Mtuletelo 6:8 - Bhiblia Yo Sawuleka

⁸ Ni to wona ku txi humelela dihantxhi do kwalala. Mgadhi wa dona a ti dhanwa ku i “Kufa,” se a ti londetelwa ngu Gehena. A ningilwe mtamo wa kufuma didhawa da wumune da mafu, kasiku e daya vathu ngu ditxhari, ni nzala, ni ntungu ni sihari sa txitinga.

Mtuletelo 6:8 Referans Kwoze

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Zakariya 6:3

Se txikotxikani txa wuraru txi ti ndindwa ngu mahantxhi o basa, txikotxikani txa wumune txi ti ndindwa ngu mahantxhi a matshakatshaka, a mtamo.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Mtuletelo 9:18

Didhawa da wuraru da vathu, va datwe ngu mhaka ya sitsayiso siya sa siraru: Mndilo ni wutshi ni txivavula, asi si nga txi huma ngu sisofuni ka mahantxhi.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Mtuletelo 9:15

Ku to thuswa tingelozi ta mune ti nga ti lulamisetwe txikhati, ni mtxima ni dilembe kasiku ti daya didhawa da wuraru da vathu.

1 Vakorinto 15:55

Awe lifo, kuxula kwako ku hani? Awe lifo, mndombo wako wu hani, kani?

Habhakuki 2:5

Kambe ngu ditshuri, ngu kutiningetetela ka vhinya, wa leka mlayo; m'thu wo tikulisa, asi ti vekisiko, a anamisako minavelo yakwe kufana ni dithitha, wa kwa mbi khura kufana ni lifo, wa tshanganisa kwakwe otshe matiko, ni kusengeleta kwakwe votshe vathu.

Jeremiya 16:16

“Ni na dhana vakukuti vavangi, kuwomba Mkoma: Va na va ndinda; ni na dhana vaxoti votala, va na va xota mimangoni kotshe, ni ka simangwana, ni ka totshe tiphako ta marigwini.

Matewu 11:23

Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Jeremiya 43:11

A nata peka ditiko da Egipta; awu a dinganwako ngu kudawa a na dawa, awu a dinganwako ngu wukhumbi a na va khumbi, awu a dinganwako ngu ditxhari a na dawa ngu ditxhari.

Mavingu 5:5

Mikondo yakwe yi relela kufani; mikondo yakwe yi tserama mndiloni.

Mtuletelo 12:4

Mkila wakwe wu txi wungeleta mpimo wa wuraru wa tinyeleti ta nzumani wu txi ti rinza ha mafuni. Mwamilambo a txi khalahatsha masoni ka wule wa msikati, a nga ti hafuhi ni kuveleka, kufela kukhadamula mwanana wule a nga ti lava kuvelekwa.

Jeremiya 14:12

Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

Jeremiya 24:10

Ni na va rumela ditxhari, ni nzala, ni mtungu, veza va txi bhi ka ditiko diya, ni nga va ninga vona ni vatate vawe.”

Jeremiya 29:17

Mkoma wa Mabutho a Tiyimbi a khene: Ni na va rumela ditxhari, ni nzala, ni mtungu, ni na va maha va txi nga maxanvu o bava, ma si sikotiko kudyiwa ngu mhaka ya kubava ka ona.

Ezekhiyele 29:5

Se ni na ya kuleka txiwulani, awe ni sotshe sihaka sa minamboni kwako; u na wa ha mafuni, khu na mbi rolelwa hambi kusengeletwa; u na dyiwa ngu sihari sa ha mafuni ni sinyana sa nzuma.

Matewu 24:7

Ditiko di na wukela dimwani ditiko, mfumo wu na wukela wumwani mfumo, ku nava ni tipaya ni mitungu ni kuzinginikela ka mafu, ka makhalo amangi.