Mtuletelo 6:14 - Bhiblia Yo Sawuleka

¹⁴ Nzuma yi to thaviswa nga dibhuku da didhowo, ngako di di petilwe, se yotshe mimango ni sitondolo si rurisilwe ka wukhalo wa sona.

Mtuletelo 6:14 Referans Kwoze

Isaya 34:4

Se otshe mabutho a nzumani ma na guma, kambe nzuma yi na petwa nga dibhuku, ni dotshe dibutho da sa nzumani di na wa, kufana ni kuwa ka mazokoro a m'vhinya, ni ku nga kuwa ka dikuwu da mkuwu.

Mtuletelo 16:20

Sitondolo sotshe si to thava, mimango ni yona yi to mwalala;

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.

Masalmo 102:26

Sotshe si na pinda, aniko awe u na simama u tsana. Sotshe ha mafuni sa sakala kufana ni nguwo; sotshe u na si txhipisa kufana ni syambalo, se si na mwalala!

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Ezekhiyele 38:20

ngu kumaha keto, si na thava masoni kwangu, sihaka sa lineneni, ni sinyana sa nzumani, ni sihari sa txitinga, ni sotshe sile si kasako txitimwi ka mafu, ni votshe vathu va ku txitimwi ka mafu; se mimango yi na wa, ni mikova yi na fuva, ni otshe maguma ma na wa hahatshi.

Isaya 54:10

Nguko mimango yi na wekela, ni simangwana si na zinginika; aniko wumbilu wangu kha wu na mbi kuvayilela, se txitumelelano txa kudikha kwangu kha txi na mbi txitxa, kuwomba Mkoma, wule a ku mahelako wumbilu.

Mtuletelo 21:1

Konako ni to wona nzuma ya yiphya ni mafu a maphya, nguko nzuma yo khata ni mafu o khata si ti fuvile ni linene li si swi li diho.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.

Nahume 1:5

Mimango ya zinginika masoni kwakwe, ni simangwana sa nyeka; se mafu ma guleka masoni kwakwe, ina, ditiko ni votshe va va hanyako ka dona.

Jeremiya 51:25

Ti wone, na kuwukela, awe mmango, mkhunduluseli, kuwomba Mkoma, u khundumusako dotshe ditiko, kambe ni na nawuluta dianza dangu, ni txi kurindilita amu marigwini, se ni na kuhisa ngu mndilo wa hombe.

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Jeremiya 3:23

Kha ditshuri hi thembile walo kuhanyiswa ku kutako ngu mimwayani, ni ngolovanya ya mimwayani kha yi vhuni txilo. Kha ditshuri kuhanyiswa ka Israyeli kuta ngu ka Mkoma, Txizimu txathu.