Mtuletelo 5:9 - Bhiblia Yo Sawuleka

⁹ va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Mtuletelo 5:9 Referans Kwoze

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Matewu 26:28

Nguko awuwa mnoha wangu wa txitumelelano, wu na ku theketelwa vavangi, kasi ku na mana divalelo ya sionho.

Masalmo 40:3

Mkoma a ni ningile kuthula ndando ya yiphya, m'zeno wa kudhumisa Txizimu txathu. Vavangi, ngako va txi ti wona tiya, va na xamala, kambe va na themba Mkoma.

Mtuletelo 14:6

Ni to wona yimwani ngelozi yi nga ti puruma hagari ka mpfhuka, yi di ni Evhangeli yo mbi na makhato ni magwito, kasiku yi huwelela ka vaaki va ha mafuni, ni yotshe mifumo, totshe tixaka, totshe tidimi ni votshe vathu.

1 Vakorinto 6:20

Nguko mi xavilwe ngu txuma txa hombe; dhumisani Txizimu koko mmidini kwanu, ni moyani kwanu, asi si lumbako Txizimu.

Mtuletelo 5:12

Tona ti wombile ngu dipswi da hombe ti txi kha tona: “Txinvutana txi txi nga bhaywa txi ni fanelo ya kuamukela Wukoma, thomba, wuzivi, mtamo, ni wudhumo, kupfaliswa ni kubongwa.”

Mtuletelo 4:11

Ngawe u ku ni fanelo, Mkoma Txizimu txathu, Ya kuamukela kupfaliswa, wudhumo ni mtamo, Nguko ngawe u nga va nga sotshe simaha; Se ngu kuranda kwako, sona si tumbulukile, si mana kuhanya.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

Mtuletelo 5:6

Ngu toneto, hagari ka txikhalo txa wukoma kumweko ni mune wa sivangwa so hanya, ni madhota, ni woni Txinvutana txi di emile, nga txi to bhaywa. Txi ti ni mtxhanu wa titxheho ni timbidi, ni mtxhanu wa maso ni mambidi, i ku mtxhanu wa Mimoya ni yimbidi ya Txizimu, yi nga rumwa ka dotshe ditiko.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

2 Pedro 2:1

Kambe va manekile vaprofeti va makuhu hagari ka vathu, nga tona ti va no va va diho vagondisi va makuhu hagari kwanu, ava va no wuyisa tigondo to hambuka, ati ti onhako, ve lamba Mkoma wu a nga va tirula, ve ti wuyisela kulova ka txikuluveta txitimwi kwawe.

Vakolosa 1:14

awu ngu kota yakwe hi nga mana kutirulwa ni kudivalelwa sionho.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

1 Johani 2:2

Ene ngene i ku mhamba ya kudihela sionho sathu, kambe hi nga sionho sathu kugwita, aniko ni sa dotshe ditiko.

1 Vakorinto 7:23

Mi xavilwe ngu txa lisima la hombe, mi nga ti maheni tikhumbi ta vathu.

Masalmo 149:1

Dhumisani Mkoma! Embelelani ka Mkoma ndando ya yiphya; m'dhumiseni msengeletanoni ka vasawuleki vakwe.

Masalmo 33:3

Embelelani kwakwe ndando ya yiphya; vetani ngu wuzivi, mi txi mkulungela!

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Mtuletelo 11:9

Vathu va otshe matiko, ni totshe tixaka, ni totshe tidimi ni yotshe mifumo va na wona sirumbi sa tona mndani ka masiku mararu ni hafu, ve tsimbisa ti to si si kelelwi sirumbi sile.

Masalmo 144:9

Kwako awe Txizimu, ni embelela ndando ya yiphya; ngu haripa ni txiya txa digumi da tingoti, kwako ni na embelela ni kudhumisa.

Masalmo 98:1

Embelelani ka Mkoma ndando ya yiphya, nguko ene a mahile sidiwukiso! Diwoko dakwe da txinene di mningile kuxula, kuxula ku nga mahwa ngu diwoko dakwe do sawuleka.

Masalmo 96:1

Embelelani ka Mkoma ndando ya yiphya; vathu va dotshe ditiko, embelelani ka Mkoma;

Dhaniyeli 3:4

Se m'zivisi wa timhaka a to kwangula ngu dipswi do guleka, a txi khene: Kugelwa anu mifumo, ni nanu matiko, ni vathu va totshe tidimi:

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Vahebheru 11:14

Kha ditshuri, avale va wombisako tiya, va komba ti to kuho mwani kwawe, amu va kuvilelako.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Dhaniyeli 6:25

Sekoko mfumeli Dhariyo a to bhalela vathu va tixaka totshe, matiko ni vathu va tidimi to hambanelana, va zumbako kotshe ha mafuni, a txi khene: “Kudikha ku na ande hagari kwanu!”

Dhaniyeli 4:1

Mfumeli Nebhukodhonosori a to rumela mhaka ka otshe matiko, mifumo ni ka vathu va totshe tidimi, vale va nga aka kotshe ha mafuni, a txi khene: Kudikha ku na ande hagari kwanu!

Dhaniyeli 5:19

Se ngu mhaka ya wuhombe wule txi nga mninga, votshe vathu, matiko ni tidimi va ti dhudhumela ni kuthava masoni kwakwe. A ti ni mtamo wo daya vathu ni waku va leka ve hanya, a tikulisa ni kuveka hahatshi ni wuhi a nga ti mlava.

Vaefesu 5:19

mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu,

Mtuletelo 10:11

Konako va to ni gela va txi kha vona: “Ta fanela kuengeta u txi profeta masoni ka vathu va tixaka to tala, ni ka matiko o tala ni tidimi to tala ni ka vafumeli votala.”

Mtuletelo 13:7

Txi ningilwe mtamo kambe wo lwa ni vasawuleki, txi va xula; txi ningilwe wukoma wotshe txitimwi ka totshe tixaka, matiko, tidimi ni mifumo.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.