Mtuletelo 5:8 - Bhiblia Yo Sawuleka

⁸ Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Mtuletelo 5:8 Referans Kwoze

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Mtuletelo 4:10

madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona:

Mtuletelo 5:14

Ani sivangwa si sa mune si hanyako si to womba si txi kha sona: “Amen.” Se madhota ma to khizama ma txi khozela.

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

Mtuletelo 19:4

Se madhota a magumi mambidi ni mune, ni sivangwa sa mune so hanya, si to khizama masoni ka Txizimu, txi nga khalahatsha ha txikhaloni ka wukoma, si txi khozela si txi kha sona: “Amen! Haleluya!”

Mtuletelo 5:6

Ngu toneto, hagari ka txikhalo txa wukoma kumweko ni mune wa sivangwa so hanya, ni madhota, ni woni Txinvutana txi di emile, nga txi to bhaywa. Txi ti ni mtxhanu wa titxheho ni timbidi, ni mtxhanu wa maso ni mambidi, i ku mtxhanu wa Mimoya ni yimbidi ya Txizimu, yi nga rumwa ka dotshe ditiko.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Masalmo 33:2

Dhumisani Mkoma ngu kuveta txitende; embelelani masoni kwakwe ngu kuveta txitende txa titxhapu ta digumi.

Mtuletelo 15:7

Tximwetxo ka sivangwa sa mune si hanyako txi to ningela ka tingelozi ta mtxhanu ni timbidi, mtxhanu wa magombe ni mambidi a nzalama, ma di tate ngu kuhenya ka Txizimu, txi txi hanyako ngu hawa ku si gumiko.

Mtuletelo 15:2

Ni woni kambe txo nga Linene la ngilazi yo pataniswa ni mndilo ni va va nga xula Txikalani, ni txithombe, ni txikombiso, ni txibalo txa ditina da txona: Va ti emile txitimwi ka Linene la ngilazi na va di ñote tiharipa ta Txizimu,

Johani 5:23

Kasiku votshe ve thava Mwanana, nga ti va thavisako tona Tate. Awu asi thaviko Mwanana, kha thavi ni Tate wu a nga mruma.”

Masalmo 81:2

Embelelani tindando, mi txi veta sikhitsi, embelelani, mi txi veta mbila ni haripa.

Masalmo 43:4

Konako ni na wulela txiluveloni kwako, awe Txizimu, awe u ku litsako langu; koneyo ni na kudhumisa ngu kuveta ka haripa, nguko awe ngawe Txizimu txangu.

Masalmo 150:3

M'dhumiseni ngu mpfumawulo wa mpundu; mu dhumiseni ngu tiharipa ni timbila!

Vahebheru 1:6

Na kambe, ngako Txizimu txi rumela Mwanana wa txona ha mafuni txi ti kha txona: “Totshe tingelozi ta Txizimu ti na mkhozele.”

Mitengo 7:62

Ku ti ni dijingo da nzalama da digumi da maxekele, do tala ngu dibaselo.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Mtuletelo 4:6

Masoni ka txona txikhalo txa wukoma, ku ti ni txo nga Linene la ngilazi lo fana ni kristali. Txikhalo txa wukoma txi ti ranganyetilwe ngu mune wa sivangwa so hanya, na si di tate ngu maso, masoni ni msana.

Mtuletelo 5:11

Konako ni woni txiwoniso, ni engisile kambe mapswi a tingelozi ta tingi, ti di randete txikhalo txa wukoma, kumweko ni sivangwa si si hanyako ni madhota-mtengo wa tona i ti makhulu-khulu ni makhulu-khulu ni mazana a mazana a ku ambi balwa.

Mtuletelo 5:12

Tona ti wombile ngu dipswi da hombe ti txi kha tona: “Txinvutana txi txi nga bhaywa txi ni fanelo ya kuamukela Wukoma, thomba, wuzivi, mtamo, ni wudhumo, kupfaliswa ni kubongwa.”

Mtuletelo 6:1

Se ni woni Txinvutana mbimo yi txi nga kwamula tximwetxo ka sixambanyo sa mtxhanu ni simbidi, ni engisile txivangwa txo khata txa sivangwa sile sa mune so hanya, txi txi womba-womba ngu dipswi do nga txingwalangwanda, txi txi kha txona: “Ngono!”

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.