Biblia Todo Logo
Bib sou entènèt

- Piblisite -




Mtuletelo 4:6 - Bhiblia Yo Sawuleka

6 Masoni ka txona txikhalo txa wukoma, ku ti ni txo nga Linene la ngilazi lo fana ni kristali. Txikhalo txa wukoma txi ti ranganyetilwe ngu mune wa sivangwa so hanya, na si di tate ngu maso, masoni ni msana.

Gade chapit la Kopi




Mtuletelo 4:6
25 Referans Kwoze  

Ni woni kambe txo nga Linene la ngilazi yo pataniswa ni mndilo ni va va nga xula Txikalani, ni txithombe, ni txikombiso, ni txibalo txa ditina da txona: Va ti emile txitimwi ka Linene la ngilazi na va di ñote tiharipa ta Txizimu,


Ngu toneto, hagari ka txikhalo txa wukoma kumweko ni mune wa sivangwa so hanya, ni madhota, ni woni Txinvutana txi di emile, nga txi to bhaywa. Txi ti ni mtxhanu wa titxheho ni timbidi, ni mtxhanu wa maso ni mambidi, i ku mtxhanu wa Mimoya ni yimbidi ya Txizimu, yi nga rumwa ka dotshe ditiko.


Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.


Se madhota a magumi mambidi ni mune, ni sivangwa sa mune so hanya, si to khizama masoni ka Txizimu, txi nga khalahatsha ha txikhaloni ka wukoma, si txi khozela si txi kha sona: “Amen! Haleluya!”


Ani sivangwa si sa mune si hanyako si to womba si txi kha sona: “Amen.” Se madhota ma to khizama ma txi khozela.


Se dikerubhima dimwedo ni dimwedo di ti ti ni mune wa tikhohe: Khohe ya do khata i ti ti ya dikerubhima, khohe ya da wumbidi i ti ti ya m'thu, khohe ya da wuraru i ti ti ya ngonyamo, se khohe ya wumune i ti ti ya digama.


Kambe wotshe mmidi wa makerubhima ni misana ya ona, ni manza a ona, ni tibhapi ta ona, se ni madangarita a ona, madangarita ale mune wa makerubhima ma nga ti nawo, ma ti randetwe ngu maso amangi.


Totshe tingelozi ti ti emile, ti randela txikhalo txa wukoma, kumweko ni madhota ni mune wa sivangwa so hanya. Se tingelozi ti txi wa hahatshi ngu timbanza masoni ka txikhalo txa wukoma, ti txi khozela Txizimu, ti txi:


Msana keto, ngelozi yi to ni komba mnambo wa mati a wutomi, o khetima nga kristali; wu txi huma ngu ka txikhalo txa wukoma txa Txizimu ni txa Txinvutana.


Di ti ni kuphatima ka wudhumo wa Txizimu. Kuphatima ka dona ku txi fanana ni ka dirigwi da lisima ngutu, kufana ni dirigwi da Jasperi do basa, nga kristali.


Tximwetxo ka sivangwa sa mune si hanyako txi to ningela ka tingelozi ta mtxhanu ni timbidi, mtxhanu wa magombe ni mambidi a nzalama, ma di tate ngu kuhenya ka Txizimu, txi txi hanyako ngu hawa ku si gumiko.


Matimba a digumi ni mambidi, i ti digumi da tidhayimana ni timbidi. Ditimba ni ditimba di mahilwe ngu dhayimana yimweyo. Mtendela wa didhoropa wu mahilwe ngu nzalama ya lisima, nga dibono do wonekela.


Diguma di mahilwe ngu dirigwi di dhanwako ku, i jasperi se didhoropa di mahilwe ngu nzalama ya lisima, yo fana ni dibono do basa.


Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”


A to maha Linene la msuku, li ku ni digumi da mikono kukhukhela ka didhawa dimwedo kala ka dimwani, lo ranganyeta kotshe, la kuguleka ka mtxhanu wa mikono; li di ranganyetilwe ngu liketani la magumi mararu a mikono.


Ngu wutxhari kha yi na kuxavwa nzalama hambi kristali; kambe wutxhari kha wu na kutxitxiswa ngu txiningo txa lisima, txa nzalama yo sefwa.


A to maha mkamba wa koporo, ni txipande txa kona txa koporo, ngu sibuko sa vavasikati vale va nga ti thuma ha txikeni ka ditenda da msengeletano.


Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.


Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,


Konako ni woni txiwoniso, ni engisile kambe mapswi a tingelozi ta tingi, ti di randete txikhalo txa wukoma, kumweko ni sivangwa si si hanyako ni madhota-mtengo wa tona i ti makhulu-khulu ni makhulu-khulu ni mazana a mazana a ku ambi balwa.


Se ni woni Txinvutana mbimo yi txi nga kwamula tximwetxo ka sixambanyo sa mtxhanu ni simbidi, ni engisile txivangwa txo khata txa sivangwa sile sa mune so hanya, txi txi womba-womba ngu dipswi do nga txingwalangwanda, txi txi kha txona: “Ngono!”


Konako ni to engisa txo nga dipswi, di humako ngu ka mune wa sivangwa si si hanyako, di txi kha dona: “Mpimo wumwewo wa fulaho wu xawa ngu male ya didhenari dimwedo, mipimo yiraru ya mahila ni yona yi xawa ngu male ya didhenari dimwedo, se u nga onhe mafura ni vhinya.”


Swiv nou:

Piblisite


Piblisite