Mtuletelo 4:5 - Bhiblia Yo Sawuleka

⁵ Ngu ka txikhalo txile txa wukoma, ku ti ti huma kuphatima, mapswi ni singwalangwanda; se masoni ka txikhalo txa wukoma ku ti tura mtxhanu wa misanje ni yimbidi ya mndilo: I ku mimoya ya mtxhanu ni yimbidi ya Txizimu.

Mtuletelo 4:5 Referans Kwoze

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 8:5

Se ngelozi yi to teka txiwungelo yi txi tata ngu mndilo wa ha txiluveloni, yi txi vinza ha mafuni: Msana keto, ku to dhinda singwalagwanda, kupfala tihuwa, kukeluka nzumani ni kutsekatseka ka mafu.

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

Mtuletelo 5:6

Ngu toneto, hagari ka txikhalo txa wukoma kumweko ni mune wa sivangwa so hanya, ni madhota, ni woni Txinvutana txi di emile, nga txi to bhaywa. Txi ti ni mtxhanu wa titxheho ni timbidi, ni mtxhanu wa maso ni mambidi, i ku mtxhanu wa Mimoya ni yimbidi ya Txizimu, yi nga rumwa ka dotshe ditiko.

Eksodha 19:16

Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

Mtuletelo 3:1

Ka ngelozi ya Dibanza da Sardhisi, bhala u txi: “A womba tiya awule a ku ni mtxhanu wa Mimoya ni yimbidi ya Txizimu ni tinyeleti ta mtxhanu ni timbidi: Na yi ziva mithumo yako: U na ni nduma ya ti to wa hanya, kasi u fite.

Zakariya 4:2

Yi txi ni gela ku kha yona: U wona txani kani? Se ani ni ti khani: Ni txi wona, no wona txipande txo mahwa ngu nzalama dwe, txitimwi ka txona ku di ni txiya txo thela kona mtona, ni mtxhanu wa malambu ni mambidi, se dilambu dimwedo ni dimwedo di ti ti ni mtxhanu wa mipofu ni yimbidi.

Eksodha 20:18

Vathu votshe va to engisa kudhuma ka singwalangwanda, kukeluka, kutuma ka mpundu ni kutuvika ka mmango, vathu va to telwa ngu dizowa, va txi manekela kule.

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Ezekhiyele 1:13

Se ngu kheno ka kufana ni sihari, si ti ti wonekisa ku nga makala a mndilo wo tura, kufana ni txisase; mndilo wu ti ti pinda ngu hagari ka sihari, kambe mndilo wu ti ti phatima, se ngu mu ka mndilo ku ti ti huma tinyangafula.

Masalmo 68:35

Txizimu txa thaviseka txiluveloni ka txona ko sawuleka, Txizimu txa ka Israyeli txi ningako mtamo ni wukoma ka vathu va txona! Txi na dhumiswe Txizimu!

2 Makronika 4:20

ni sipande ni malambu a nzalama yo hehuka ngutu, kasi ku ma txi layithwa madingano ni txi toloveto txawe masoni ka digandelo.

Eksodha 37:23

A to maha malambu a kona a mtxhanu ni mambidi; situriso ni sitimo sa kona, sotshe i ti sa nzalama ya yinene.

Mithumo 2:3

Konaho va to wona so nga tidimi ta mndilo, ti nga huma ti txi abaneka, limwelo ni limwelo li txi ya khandama txitimwi ka mmweyo ni mmweyo wawe.

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Genesisi 15:7

Mkoma a to khene ka Abramu: “Ani ni Mkoma wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.”

Eksodha 25:37

U na yi mahela mtxhanu wa malambu ni mambidi, ale ma no turiselwa, me woninga masoni ka wona.

Matewu 25:1

“Sekoko ka yoneyo mbimo, Mfumo wa nzumani wu na fanana ni timbiri ta digumi, ati ti nga teka malambu a tona, ti huma kasi kuhingeta mteki.

Mtuletelo 10:3

Se yi kwangula ngu dipswi da hombe, nga kubhonga ka ngonyamo. Mbimo yi yi nga bhonga, ku to pfala kudhinda ka singwalangwanda sa mtxhanu ni simbidi.