Mtuletelo 4:2 - Bhiblia Yo Sawuleka

² Kunukunuko ni to susumetwa ngu Moya: Konako ni to wona txikhalo txa wukoma nzumani, se ha txikhaloni ku ti ni mmweyo a nga ti khalahatshile ka txonetxo txikhalo txa wukoma.

Mtuletelo 4:2 Referans Kwoze

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

Isaya 6:1

Ka dilembe di a nga fa ngu dona mfumeli Uziya, ni to wona Mkoma a di khalahatshile txitimwi ka txikhalo txo guleka txa wukoma; txyambalo txakwe txi txi tata dithepele.

Ezekhiyele 1:26

Se txitimwi ka ndengalenga yile yi nga ti ti txitimwi ka misungo ya sona, ku ti ti ni txitulu txa wukoma txo nga dirigwi da safira; se txitimwi ka txile txo fana ni txitulu txa wukoma, ku ti ti ni txo fana ni m'thu, ngu txitimwi ka kona.

Mtuletelo 5:1

Msana keto, ni to wona awule a nga ti khalahatshile ha txikhaloni ka wukoma, a di ñote, ngu dianza da txinene, dibhuku do bhalwa mndani ni hahanze di di lemilwe ngu sixambanyo sa mtxhanu ni simbidi.

Mtuletelo 4:9

Se, txikhati ni txikhati sivangwa si ningako kupfalisa ni kubonga ka wule a nga khalahatsha ha txikhaloni ka wukoma, ene wu a hanyako kala kupinduka,

Mtuletelo 4:5

Ngu ka txikhalo txile txa wukoma, ku ti ti huma kuphatima, mapswi ni singwalangwanda; se masoni ka txikhalo txa wukoma ku ti tura mtxhanu wa misanje ni yimbidi ya mndilo: I ku mimoya ya mtxhanu ni yimbidi ya Txizimu.

Dhaniyeli 7:9

Ani ni to simama ni wona, an'ze kuza ku txi vekwa situlu sa wukoma, se didhota da kale di to khalahatshi; syambalo sa dona i ti so basa kufana ni hunguva, ni misisi ya msungo ka dona i ti yo basa kufana ni matoya o basa; txikhalo txakwe txa wukoma txi ti fana ni titshatsha ta mndilo, ni mathandani a txona ma ti fana ni dituro da mndilo.

Mtuletelo 5:13

Ni ka sotshe sivangwa si si ku nzumani ni ha mafuni ni hahatshi ka mafu ni lineneni ni sotshe si si kuho ani ni si engisile si txi womba, si txi kha sona: “Ka wule a nga khalahatsha txitimwi ka Txikhalo txa Wukoma ni ka Txinvutana, ku na ningwe kubonga, txithavo, wudhumo ni mtamo kala kupinduka.”

Mtuletelo 21:10

Ngelozi yi to ni teka ngu moya yi ni yisa txitimwi ka mmango wo lapha, yi ni komba didhoropa do sawuleka da Jerusalema, adi di nga txi relela ngu nzumani, di txi ta ngu ka Txizimu.

Vahebheru 8:1

Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Ezekhiyele 10:1

Msana keto, ni to wona ndengalenga ya txitimwi ka misungo ya makerubhima, yi to woneka txitimwi kwawe ni dirigwi da safira, do wonekisa kufana ni txitulu txa wukoma.

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Mtuletelo 19:4

Se madhota a magumi mambidi ni mune, ni sivangwa sa mune so hanya, si to khizama masoni ka Txizimu, txi nga khalahatsha ha txikhaloni ka wukoma, si txi khozela si txi kha sona: “Amen! Haleluya!”

Mtuletelo 21:5

Senikoko, awule a nga ti maneka a di khalahatshile ha txikhaloni ka wukoma, a ti khene: “Wonani: Sotshe na si hindula si txi maha sa siphya.” Se a to engeta a txi khene: “Bhala, nguko mapswi awa ngo thembeka ni a ditshuri.”

Mtuletelo 17:3

Ngelozi yi to ni teka ngu mu ka moya yi ni yisa txiwulani, ahawa ni nga ya wona wamsikati a di khalahatshile txitimwi ka txikalani txo bhilivila, txi di tate ngu matina o ruketela, txi di ni mtxhanu wa misungo ni mimbidi ni digumi da titxheho.

Mtuletelo 12:5

Se wamsikati a to veleka mwanana wa m'zambi, awu a no fumela otshe matiko ngu ndonga ya simbi ya wukoma. Mwanana wule a tekilwe e yiswa ka Txizimu, masoni ka txikhalo txa wukoma.

Mtuletelo 6:16

Ve gela mimango ni marigwi va txi: Khundumukani mi txi hi khubhunyeta, mi hi sisa ka khohe ya wu a nga khalahatsha ha txikhaloni ka wukoma, ni ka kuhenya ka Txinvutana,

Jeremiya 17:12

Wukhalo wathu wo sawuleka njikhalo txathu txa wukoma txo guleka, txi nga vekwa txitimwi kukhukhela kukhatani.

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Matewu 22:43

Se ene a to va gela ku khene: “Se ti mahisa kutxani Dhavhidha ngu kuwoningwa ngu Moya wo Sawuleka a m'dhanako ku i Mkoma ngu mapswi awa:”

Mtuletelo 4:10

madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona: