Mtuletelo 4:11 - Bhiblia Yo Sawuleka

¹¹ Ngawe u ku ni fanelo, Mkoma Txizimu txathu, Ya kuamukela kupfaliswa, wudhumo ni mtamo, Nguko ngawe u nga va nga sotshe simaha; Se ngu kuranda kwako, sona si tumbulukile, si mana kuhanya.

Mtuletelo 4:11 Referans Kwoze

Mtuletelo 5:12

Tona ti wombile ngu dipswi da hombe ti txi kha tona: “Txinvutana txi txi nga bhaywa txi ni fanelo ya kuamukela Wukoma, thomba, wuzivi, mtamo, ni wudhumo, kupfaliswa ni kubongwa.”

Isaya 40:28

Khu ti zivi, khwa tipfa taku, Txizimu txa yotshe mbimo, Mkoma, M'vangi wa magwito a mafu, kha karali, hambi kurereka kani? Mapimo akwe kha ma na mpimo.

Mavingu 16:4

Sotshe si a nga si maha Mkoma asi emisete mithumo ya sona, hambi ni muonhi a mahetwe ditshiku do biha.

Mtuletelo 10:6

Yi txi xambanya ngu wule a hanyako ka kwa mbi na magwito, a nga vanga nzuma ni sotshe siya si ku ka yona; mafu ni sotshe siya si ku ka ona; linene ni sotshe si si ku ka lona, yi txi kha yona: “Kha ku nga ngadi ni mbimo!

Mtuletelo 14:7

Yona yi ti womba-womba ngu dipswi da hombe, yi txi kha yona: “Thavani Txizimu mi txi pfalisa, nguko txi hokile txikhati txa kulamula ka txona; khozelani awule a nga maha nzuma ni mafu, linene ni sisima.”

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Vahebheru 1:10

Se txi txi kha txona: “Ngawe, Mkoma, u nga va nga mafu kukhatani; tinzuma nitona mthumo wa manza ako.

Genesisi 1:1

Kukhatani Txizimu txi vangile nzuma ni mafu.

Varoma 11:36

Nguko sotshe si ta ngu kwakwe, sotshe si ho ngu mtamo wakwe, sotshe si konama ene. Wudhumo wu nave kwakwe kala kupinduka. Amen!

Vaefesu 3:9

ni kukombisa masoni ka votshe txyavelo txa makungo awa ma nga ti sisilwe ngu kale ni kale ngu Txizimu, m'vangi wa sotshe,

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Masalmo 18:3

Ni na khumbuka ditina da Mkoma, di dinganako kudhumiswa, se ni na txhatxhiswa ka valala vangu.

Nehemiya 9:5

Sekoko Valevhi, ni Jesuwa, ni Kadhimiyeli, ni Bhani, ni Hasabhineya, ni Serebhiya, ni Hodhiya, ni Sebhaniya, ni Petaya va to kha vona: Khukhani mi dhumisa Mkoma, Txizimu txanu, yotshe mbimo! Mahani mkombelo, mi dhumisa ditina da wudhumo wakwe, di di ku txitimwi ka sotshe si si katekiswako ni kudhumiswa.

Mithumo 17:24

Txizimu txi txi nga va nga mafu ni sotshe si si ku ka ona, i ku txona Mkoma wa nzuma ni mafu; kha txi zumbi mathepeleni ka kuakwa ngu manza a vathu;

2 Samuwele 22:4

Mkoma ana ni fanelo ya kudhumiswa, ni mdhani, se ni mana kutxhatxhiswa ka valala vangu.

Mtuletelo 5:2

Konako ni to wona ngelozi ya mtamo, yi txi nuwela ngu dipswi da hombe yi txi kha yona: “I mani a ku ni fanelo yo tula dibhuku e kwamula sixambanyo siya sa dona, kani?”

Jobe 36:3

Wuzivi wa mawonelo angu wuta ngu kule; se M'vangi wangu ni na mninga wululamo.

Masalmo 68:34

Zivani mtamo wa Txizimu. Wuhombe wa txona wa tshanganisa ditiko da ka Israyeli; mtamo wa txona wa eneta kotshe kuanama ka tinzuma.

Vahebheru 1:2

Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.

Jeremiya 10:11

Mi na va gelisa tiya, mi txi khanu: Sizimu si si nga mbi maha nzuma ni mafu, si na mwalala ditikoni, ni hahatshi ka nzuma.

Isaya 40:26

Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

Mtuletelo 19:1

Msana keto, ni to engisa txo nga diguwa da dibutho da hombe da vathu, di txi huwelela, di txi kha dona: “Haleluya! Kuhanyisa ni wudhumo ni mtamo si lumba Txizimu txathu.