Mtuletelo 4:10 - Bhiblia Yo Sawuleka

¹⁰ madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona:

Mtuletelo 4:10 Referans Kwoze

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Mtuletelo 19:4

Se madhota a magumi mambidi ni mune, ni sivangwa sa mune so hanya, si to khizama masoni ka Txizimu, txi nga khalahatsha ha txikhaloni ka wukoma, si txi khozela si txi kha sona: “Amen! Haleluya!”

Mtuletelo 11:16

Madhota a makumambidi ni mune ma nga khalahatsha ka sikhalo sa ona sa wukoma masoni ka Txizimu, ma to khizama me khozela Txizimu, ma txi kha ona:

Masalmo 95:6

Ngonani anu hi ta khozela ni kunama! A hi khizameni masoni ka Mkoma awu a nga hi vanga,

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

Mtuletelo 7:11

Totshe tingelozi ti ti emile, ti randela txikhalo txa wukoma, kumweko ni madhota ni mune wa sivangwa so hanya. Se tingelozi ti txi wa hahatshi ngu timbanza masoni ka txikhalo txa wukoma, ti txi khozela Txizimu, ti txi:

Mtuletelo 5:14

Ani sivangwa si sa mune si hanyako si to womba si txi kha sona: “Amen.” Se madhota ma to khizama ma txi khozela.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Masalmo 72:11

Vafumeli votshe va na ti namisa masoni kwakwe; yotshe mifumo yi na mthumela!

Mtuletelo 4:9

Se, txikhati ni txikhati sivangwa si ningako kupfalisa ni kubonga ka wule a nga khalahatsha ha txikhaloni ka wukoma, ene wu a hanyako kala kupinduka,

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

2 Makronika 7:3

Se votshe vanana va ka Israyeli, mbimo yi va nga wona ti to mndilo ni wudhumo wa Mkoma sa txhika txitimwi ka nyumba, va to khizama ve namisa tikhohe tawe ti gwesa mafu, ve khozela ni kudhumisa Mkoma, nguko mbwa mnene, ni lirando lakwe li na zumba ngu ha ku si gwitiko.

Luka 24:52

Vona va to mu khozela, ve tshumela va txi wuya Jerusalema, va di tate ngu litsako la hombe.

Masalmo 115:1

U nga dhumise athu Mkoma, u nga dhumise athu, aniko dhumisa ditina dako da wudhumo, ngu mhaka ya lirando lako ni kuthembeka kwako!

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Dhewuteronome 32:40

Ani na guleta dianza dangu di komba nzumani, ni xambanya ni txi khani: Ngani wu ni hanyako kala kupinduka!

Masalmo 47:8

Txizimu txa fuma txitimwi ka votshe vathu, Txizimu txi khalahatshile ha txikhaloni ka wukoma.

Isaya 6:1

Ka dilembe di a nga fa ngu dona mfumeli Uziya, ni to wona Mkoma a di khalahatshile txitimwi ka txikhalo txo guleka txa wukoma; txyambalo txakwe txi txi tata dithepele.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Dhaniyeli 12:7

Se ni to pfa wamwamna wule a nga ambala syambalo sa linyu, a nga ti ti emile txitimwi ka mati a mnamboni, mbimo yi a nga guleta dianza dakwe da txinene, ni dianza dakwe da txibhabha e komba nzumani, se a to xambanya ngu wule a hanyako ngu ha ku si gwitiko, ti to msana ka mbimo yokari, ka timbimo ni ka hafu ya mbimo, ni mbimo yile va nova va di hetile kuhoxota mtamo wa vathu vo sawuleka, totshe timhaka tiya ti nava ti di humelete.

Mtuletelo 4:2

Kunukunuko ni to susumetwa ngu Moya: Konako ni to wona txikhalo txa wukoma nzumani, se ha txikhaloni ku ti ni mmweyo a nga ti khalahatshile ka txonetxo txikhalo txa wukoma.

Mtuletelo 10:6

Yi txi xambanya ngu wule a hanyako ka kwa mbi na magwito, a nga vanga nzuma ni sotshe siya si ku ka yona; mafu ni sotshe siya si ku ka ona; linene ni sotshe si si ku ka lona, yi txi kha yona: “Kha ku nga ngadi ni mbimo!

Mtuletelo 15:7

Tximwetxo ka sivangwa sa mune si hanyako txi to ningela ka tingelozi ta mtxhanu ni timbidi, mtxhanu wa magombe ni mambidi a nzalama, ma di tate ngu kuhenya ka Txizimu, txi txi hanyako ngu hawa ku si gumiko.