Mtuletelo 4:1 - Bhiblia Yo Sawuleka

¹ Msana keto, ni to wona txiwoniso: Ditimba di nga ti tutwe nzumani, se dipswi do khata di ni nga ti di engisile, do tuma ku nga mpundu, di txi kha dona: “Kwela u txi ta hawa, kasiku ni ta kukomba ati ti no maheka msana ka tiya.”

Mtuletelo 4:1 Referans Kwoze

Mtuletelo 11:12

Konako va to engisa dipswi da mtamo di nga txi va gela, di txi kha dona: “Kwelani kheno.” Se va to kwela veya nzumani, va di mndani ka direfu, va txi wonwa ngu valala vawe.

Eksodha 24:12

Sekoko Mkoma a to khene ka Mosi: “Kwela u txi ta zumba hawa kwangu, mmangoni; se ni na kuninga sileti sa marigwi, ni milayo, ni sirumo si ni nga si bhala, kasi ku u txi ya va gondisa.”

Mtuletelo 1:19

Ngu kota yeto, bhala ati u nga ti wona, ati i ku tona ka yiya mbimo, ni ti ti na kumaheka ngu msana ka tiya.”

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Marku 1:10

Mbimo yi a nga txi huma ngu matini, a to wona nzuma yi txi tuleka, se Moya wo Sawuleka wu txi txhika nga txituvani txitimwi kwakwe.

Mtuletelo 22:6

Se Ngelozi yi to ni gela, yi txi kha yona: “Mapswi yawa ngo thembeka ni a ditshuri, nguko Mkoma, Txizimu txi ningako moya wa txona ka vaprofeti, txi rumete ngelozi ya txona kasi kukomba sithumi sa txona ati ti no maheka ngu kukuluveta.”

Mtuletelo 16:17

Ngelozi ya wutxhanu ni timbidi yi to theketa digombe da yona ha mpfhukani: Konako ku to huma dipswi da hombe ngu Dithepeleni, di txi kha dona: “Ti mahekile.”

Mithumo 7:56

Se a ti khene: “Ma ti wona, ani ni wona nzuma yi di tulekile, ni Mwanana wa M'thu a di emile txineneni ka Txizimu.”

Johani 16:13

Kambe mbimo yi a nota ene wule, i ku Moya wa ditshuri, ngene a nota mi gondisa dotshe ditshuri, nguko kha na mbi ta womba-womba ngu kwakwe, aniko a na womba totshe tiya a no tiengisa; se a na mi gela totshe tiya ti no maheka.

Luka 3:21

Mbimo yi vathu votshe va nga gwita kubhabhatiswa, ni mbimo yi Jesu a nga ti kukhongelani, ngu msana ka kuva a di bhabhatisilwe nene, nzuma yi to tuleka.

Eksodha 19:24

Se Mkoma a to xamula a txi khene: “Tsula u relela, ngu msana u na kwela awe ni Aroni; aniko vaphaxeli ni vathu va nga tshawunyete muhingano, va txi ya ka Mkoma kasi ku asi va peki ngu lifo.”

Mithumo 10:11

A to wona nzuma yi di tulekile, ni txiya txo fana ni nguwo ya hombe, txi di sungilwe ngu ka mune wa misulo, txi txhikela ha mafuni.

Matewu 3:16

Jesu msana ka kuva a di bhabhatisilwe a to huma ngu matini. Konako, nzuma yi to tuleka, se Jesu e wona Moya wa Txizimu, wu nga ti relela nga dituva txitimwi kwakwe.

Eksodha 1:1

Aawa koko, ngu ona matina a vanana va ka Israyeli, avale va nga wulela ditikoni ka Egipta, kumweko ni Jakobe, mmwani ni mmwani ni ngamu yakwe:

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Mtuletelo 1:12

Ni to tshembereka kasi kuwona wule a nga womba-womba ni nani, se, ni di tshemberekile, ni to wona mtxhanu wa sipande ni simbidi sa nzalama, so zomeka ka sona makhanjela.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Mavingu 25:7

nguko i txhuko va txi kugela ku kha vona: Kwela u txi ta hawa, kupinda kuwiswa tingana masoni ka mfumeli, a txi kuwona.