Mtuletelo 3:7 - Bhiblia Yo Sawuleka

⁷ Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Mtuletelo 3:7 Referans Kwoze

Isaya 22:22

Se ni na veka khiya ya nyumba ya Dhavhidha ha dikatani kwakwe, se a na tula, ku si maneki ni wammweyo wo seka, a no seka, ku si maneki ni wammweyo wo tula.

Matewu 16:19

Ni na kuninga tikhiya ta Mfumo wa nzumani; txihi ni txihi u no txi sunga ha mafuni txi na sungwa ni nzumani, ani txihi ni txihi u no txi thukunyula ha mafuni txi na thukunyulwa ni nzumani.”

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Jobe 12:14

Wona taku txi txi khundumusa, kha ku aketwi; ni ka wule txi mtsivelako kha ku na mbi tulwa.

Mtuletelo 6:10

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?”

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Luka 1:32

Ene a na va i di wa hombe, kambe a na dhanwa ku i ‘Mwanana wa Nyatxitimwi.’ Mkoma Txizimu a na mninga txikhalo txa tate wakwe Dhavhidha;

Marku 1:24

“Nji txani u ku natxo ni nathu, Jesu wa Nazareta kani? U tela ku ta hi lovisa kani? Ani na kuziva ti to ngawe mani: U Msawuleki wa Txizimu.”

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Mtuletelo 3:14

Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Mithumo 3:14

Mi lambile Msawuleki ni Mlulami, mi tamarisa mi txi kombela kuthukunyulwa ka txigevenga,

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Luka 4:34

a txi khene: “Ha! Nji txani u ku natxo ni nathu, awe Jesu wa Nazareta? U tete ku ta hi lovisa, kani? Na kuziva ti to ngawe mani, awe u Msawuleki wa Txizimu.”

Isaya 55:5

Wona taku, u na dhana ditiko dile u si di ziviko, se ditiko dile di si khaliko ku ku ziviko, di na tutumela kwako, ngu kuranda ka Mkoma, Txizimu txako, ni ka Msawuleki wa Israyeli; nguko ene a ku dhumisile.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Isaya 48:17

Mkoma, i ku Mutiruli wako, Msawuleki wa Israyeli, a khene: Ani ngani Mkoma, Txizimu txako, awu a ku gondisako ti ti vhunako, ni ku kukomba nzila yi u felako kutsimbila ngu yona.

Isaya 47:4

Ditina da Mtiruli wathu, Mkoma wa Mabutho a Tiyimbi, Msawuleki wa ka Israyeli.

Isaya 41:20

kasi ku votshe ve ti wona, se ve tiziva, ve tumela, ni kupfisisa kumweko tito, dianza da Mkoma di nga maha tiya, ni Msawuleki wa Israyeli a nga si vanga.

Isaya 41:16

Awe u na si tsetseta, se moya wu na si purumisa, txihuhuri txi na si hangalasa; aniko awe u na tsaka ka Mkoma, u na ti dhumisa ka Msawuleki wa Israyeli.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Masalmo 145:17

Mkoma a lulamile ka totshe tinzila takwe, ni kusawuleka ka yotshe mithumo yakwe.

Masalmo 89:18

Nguko Mkoma m'vhikeli wathu. Kambe Msawuleki wa ka Israyeli, i ku ene Mfumeli wathu!

Jobe 11:10

Ngako Txizimu txi txi khundumusa, ni kutsiva, mwendo kupata, i mani a no txi tsimba kani?

Mtuletelo 21:5

Senikoko, awule a nga ti maneka a di khalahatshile ha txikhaloni ka wukoma, a ti khene: “Wonani: Sotshe na si hindula si txi maha sa siphya.” Se a to engeta a txi khene: “Bhala, nguko mapswi awa ngo thembeka ni a ditshuri.”

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 16:7

Se ni to engisa yimwani ngelozi yi txi kha yona: “Ina, Mkoma, Txizimu txa mtamo wotshe. Kulamula kwako ku tate ngu ditshuri ni kululama.”

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

Isaya 30:11

vayilelani nzila, mi huma amu ka txinzilana; mahani ti to Msawuleki wa Israyeli asi maneki hagari kwanu.

Masalmo 16:10

Awe Mkoma, khu na mbi ni leka ka wukhalo wa vafi, kambe khu na mbi tumela ti to msawuleki wako e sina diphalani.