Mtuletelo 3:3 - Bhiblia Yo Sawuleka

³ Ngu konaho alakanya ati u nga ti amukela ni ku tiengisa. Ti xayise u txi hunduluka. Ngako u si woneleli, ni nata nga dikhamba, na awe u si txi zivi txikhati txi ni no ku tela ngu txona.

Mtuletelo 3:3 Referans Kwoze

Mtuletelo 2:5

Ngu toneto, alakanya ahawa u nga wela kona, hunduluka u txi teka mahanyelo o khata. U si mahi eto, ni na ku tela se, ngako u si hunduluki ni nata thavisa txipande txako txa dikhanjela ha wukhaloni ka txona.

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.

1 Vatesalonika 5:2

Nguko anu ma tiziva ta tinene taku ditshiku da Mkoma di na tisa ku nga dikhamba ahawa ka wusiku.

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

Matewu 25:13

Ngu toneto, wonelelani, nguko ditshiku kha mi di zivi, hambi ni txikhati.”

Vahebheru 2:1

Ngu toneto, hi fanete kuengisisa ta tinene timhaka ti hi nga tipfa, kasiku hi si timeli nzila.

1 Timoti 6:20

Awe Timoti, veketa si u nga vekelwa manzani kwako, tsimbilela kule ni siwombawomba sa walo, ni kukanetisana ngu timhaka ta wuzivi wa makuhu.

Marku 13:36

Kasiku, ngako a txi wuya a sa zivisa, asi ta mi mana mi di otete.

Marku 13:33

Ti woneleni, rinzelani, khongelani, nguko kha mi tizivi taku i nava mbimo muni.

Ezekhiyele 36:31

Sekoko mi na alakanya tinzila tanu to biha, ni simaho sanu si nga mbi va sa sinene; mi na ti laya ngu wubihi wanu, ni manyala a kona anu.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

2 Pedro 3:1

Vo randeka, adiya dipapilo nda wumbidi ni txi mi bhalela, na ni txi duketa, ka otshe mapapilo a mambidi, kuwuseta mialakanyo yanu ya yinene ngu sialakanyiso sokari;

Mtuletelo 3:11

Na ta kunukunuku, ñolisisa ngu kutsana asi u ku naso, kasiku ni mmweyo asi thuki e kuhonyola m'bhoti wako.

Mtuletelo 2:25

aniko zumbani mi di tsani ka tile mi ku nato, kala ni txi ta.

2 Pedro 1:13

I fanelo yangu, ni di ngadi ni txi hanya ka ditenda diya da ha mafuni ku mi wusa, kasi ku mi zumba mi txi wonelela.

2 Timoti 1:13

Londetela mapswi amanene, aawa u nga ma engisa kwangu, ngu likholo ni lirando li li ku ka Kristu Jesu.

Ezekhiyele 20:43

Se koneyo mi na alakanya tinzila tanu ni sotshe simaho sanu, asi mi nga ti nyenyezisa ngu sona, kambe mi na ti nyenya mipune, ngu mhaka ya wotshe wubihi wule mi nga wu maha.

Mtuletelo 3:2

Wuka u txi khutala. Tsanisa asi si nga sala, si lavako kufa, nguko mithumo yako kha na yi mana yi di hetisekile masoni ka Txizimu.

Mtuletelo 22:7

Jesu a khene: “Wonani, nata konkuwa! A katekile awu a veketako mapswi a kuprofeta ka dibhuku diya.”