Mtuletelo 3:2 - Bhiblia Yo Sawuleka

² Wuka u txi khutala. Tsanisa asi si nga sala, si lavako kufa, nguko mithumo yako kha na yi mana yi di hetisekile masoni ka Txizimu.

Mtuletelo 3:2 Referans Kwoze

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

Isaya 35:3

Tsanisani manza o karala, ni kutsanisa mazolo o rereka.

2 Makronika 25:2

Amaziya a mahile to lulama masoni ka Mkoma, hambiko a nga mbi maha ngu mbilu yakwe yotshe.

Mithumo 18:23

Ngako a di zumbile mbimoanyana koneho, a to khukha kambe e horolokela matiko a Galatiya ni Frigiya na a txi tsanisa votshe vagondiswa.

Matewu 25:13

Ngu toneto, wonelelani, nguko ditshiku kha mi di zivi, hambi ni txikhati.”

Dhewuteronome 3:28

Rumela koko ka Joxuwa, mithetho yako, u mtsanisa msana, ni ku mninga mtamo, nguko ngene a no thangela masoni ka vathu vava e va wuleta ka ditiko dile u di wonako, di va thomba yawe.”

Mtuletelo 2:4

Kambe na kusola nguko u lekile lirando lako lo khata.

Ezekhiyele 34:16

Ni na tsimbila ni lava yile yo mwalala, kambe ni na wuyisa yile yo penga, ni txi tsanisa yile yo khudukiswa, ni kuthuma yile yo lwala; aniko ayile yo ena ni yile ya mtamo ni na ti khundumusa; tona ni na ti dyisa ngu wululamo.

Matewu 23:5

Totshe ti va ti mahako, va ti mahela kasi kuwonwa ngu vathu. Ngu toneto, va dhunda kusunga ha mbanza mwendo mawokoni kwawe titxinda ta kuanama, ku di bhatwe mapswi a mlayo mndani ka tona ni kulaphisa titxinda ta tinguwo tawe.

Dhaniyeli 5:27

Tekele: U pimilwe ha txikaloni, se u maneka u txi hehuka.

Isaya 57:12

Ani ni na pfalisa kululama kwako ni mithumo yako, aniko kha va na mbi kulondola.

Isaya 56:10

Votshe vawoneleli vakwe va mabhofu, kha va zivi txilo; votshe ndimbwa ta siduma, kha va sikoti kuwukula; mba wukohe, va zumba va di otete, kambe va randa kukhudhahela.

1 Vafumeli 15:3

Se a to tsimbila ngu sionho sile, tate wakwe a nga ti si mahile kukhatani; kambe mbilu yakwe yi sa basa masoni ka Mkoma, Txizimu txakwe, ku nga mbilu ya tate wakwe Dhavhidha.

1 Vafumeli 11:4

Nguko ku mahekile ti to a di kumbile Solomoni, vasikati vakwe va m'dyite mbilu kasiku e londisa simwani sizimu; se mbilu yakwe yi sa hetiseka ka Mkoma, Txizimu txakwe, ku nga tate wakwe Dhavhidha,

Zakariya 11:16

Nguko wona taku ni na wusa m'dyisi ditikoni, awu a no mbi xola ti ti lovako, kha na mbi londeta yile yo mwalala, kha na mbi thuma yile yo lwala, hambi kudyisa yile yi hanyako kha kwati; aniko a na dya nyama ya yile yo nona, kambe a na sotela ni syala sa kona.

Jobe 16:5

Kukhata mi ndi na ti tsanisa ngu txisofu txangu, se kuthavelela ka txisofu txangu, ku da boxisa kupandiseka kwanu.

Mtuletelo 3:1

Ka ngelozi ya Dibanza da Sardhisi, bhala u txi: “A womba tiya awule a ku ni mtxhanu wa Mimoya ni yimbidi ya Txizimu ni tinyeleti ta mtxhanu ni timbidi: Na yi ziva mithumo yako: U na ni nduma ya ti to wa hanya, kasi u fite.

Mtuletelo 3:3

Ngu konaho alakanya ati u nga ti amukela ni ku tiengisa. Ti xayise u txi hunduluka. Ngako u si woneleli, ni nata nga dikhamba, na awe u si txi zivi txikhati txi ni no ku tela ngu txona.

Matewu 25:7

Sekoko ti to wuka totshe timbiri ti longela malambu a tona.