Mtuletelo 3:19 - Bhiblia Yo Sawuleka

¹⁹ Ani na kawuka ni kutsayisa votshe vava ni va randako. Wuseta kukhutala kwako u hunduluka.

Mtuletelo 3:19 Referans Kwoze

1 Vakorinto 11:32

aniko, hi txi lamulwa ngu Mkoma, ha tsayiswa kufela ku hi si abaniswi kumweko ni ditiko.

Mtuletelo 2:5

Ngu toneto, alakanya ahawa u nga wela kona, hunduluka u txi teka mahanyelo o khata. U si mahi eto, ni na ku tela se, ngako u si hunduluki ni nata thavisa txipande txako txa dikhanjela ha wukhaloni ka txona.

Jobe 5:17

Wona taku a katekile wamwamna wule a tsayiswako ngu Txizimu; sekoko u nga kanyise txitsayiso txa wule wa Mtamo-Wotshe.

2 Vakorinto 7:11

Aniko, hingani wona mihando ya kupandiseka kwanu, madingano ni kuranda ka Txizimu; kukhutala ka kona! Kutilaya ka kona! Txithavo txa kona! Kuxuxa ka kona! Kukhatala ka kona! Kutsayisa ka kona! Mi kombisile ka totshe, ti to kha mi nga ni mnandu ka mhaka yiya.

Jeremiya 31:18

Ni pfite Efrayime atxi titsetsa, a txi khene: U ni tsayisile, ni txi kwapwa kufana ni txidhunana txa kwa mbi tolovela dikange, ni hunduluse, ni na hunduluka, nguko ngawe Mkoma, Txizimu txangu.

Jeremiya 10:24

Awe Mkoma, ni tsayise, aniko ngu lipimo li ni dinganako, na i si nga kuhenya kwako, ti taku u txi ni lovisa.

Jeremiya 7:28

Sekoko awe u na womba kwawe, u txi khawe: Adiya, ditiko di si engisiko dipswi da Mkoma Txizimu txawe, hambi kuamukela silayelo. Kuthembeka kuwalo, ku thavisilwe sisofuni kwawe.

Isaya 26:16

Mkoma va ku endete kuxanisekani kwawe; mbimo yile txitsayiso txako txi ngata txitimwi kwawe, va to tshakunuta mkombelo wawe wa txihunja.

Mavingu 22:15

Wuphukuphuku wu maneka mbiluni ka mfana, kambe ndonga yo tsayisa yi na wu tutumisa.

Mavingu 15:32

Awule a lambako kukawukwa, wa txhipisa moya wakwe, aniko awule a engisako silayelo, wa mana kupimisisa.

Masalmo 69:9

Kukhatalela nyumba yako ka ni dya; siruko sa vale va ku ruketelako si wete txitimwi kwangu.

Masalmo 39:11

U tsayisa m'thu kasiku e khawula ka wubihi wakwe kufana ni sumba, awe wa fuvisa atxile m'thu a txi dhundako ngutu. Kunene votshe vathu mba kanganyisi dwe!

Dhewuteronome 8:5

Ngu mhaka yeto, ti zive mbiluni kwako ti to Mkoma, Txizimu txako, a na kutsayisa, kufana ni m'thu a layako mwanana wakwe.

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Masalmo 94:10

Awule a layako mifumo, kha na mbi yi tsayisa, kani? Ene ngene a gondisako vathu wuzivi!

Masalmo 6:1

Mkoma, u nga ni kawuke u di henyile, kambe u nga ni tsayise, u di ni txiviti.

2 Samuwele 7:14

Ani ni na va tate wakwe, se ene a na va mwanana wangu; ngako a txo ndaka mlayo, ni na mtsayisa ngu ndonga ya vathu ni txisephu txa vanana va vathu.

2 Vakorinto 6:9

Hi woniswa ku nga kha hi ziwi, kuve ha ziwa. Hi wonwa hi txi nga ho lava kufa, kasi ha hanya, ha tsayiswa, kambe kha hi dawi.

Johani 2:17

Se vagondiswa vakwe va to alakanya ati ti nga ti bhatwe, taku: “Kupandisekela nyumba yako ku na ni dya.”

Mavingu 15:10

Kukawuka kuho txitimwi ka wule a lekako nzila, se wule a nyenyako silayo, a na fa.

Vagalatiya 4:18

Aniko ati i ku tona, khutalelani wunene yotshe mbimo, mi nga maheni wunene ngu kuva ni di hafuhi ni nanu dwe.

Zefaniya 3:2

Kha di engisi dipswi, kha di tumeli kukawukwa, kha di thembi Mkoma, hambi kutshuketa ka Txizimu txa dona.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Matewu 25:7

Sekoko ti to wuka totshe timbiri ti longela malambu a tona.