Mtuletelo 3:18 - Bhiblia Yo Sawuleka

¹⁸ Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Mtuletelo 3:18 Referans Kwoze

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Isaya 55:1

Anu motshenu mi ku ni ditora, ngonani matini, ni nanu mi singako ni male, ngonani mi ta xava, mi dya; Ina, ngonani mi ta xava, mi si nga ni male, mi si nga ni mtengo, vhinya ni masi.

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Malakiya 3:3

Se a na khalahatshi e nyivilikisa ni kubasisa silivhela, kambe a na basisa vanana va ka Levhi, ni ku va nyivilikisa va txi nga nzalama, ni silivhela; sekoko, va na tisa miningelo ka Mkoma ngu kululama.

Mtuletelo 7:13

Se mmweyo wa vale va madhota a to khene kwangu: “Ava va nga ambala so basa, wa va ziva kani? Va ta ngu hani?”

Matewu 13:44

“Mfumo wa nzumani wu fana ni txuma txi txi nga siswa thembweni kokari, txuma txi m'thu a nga txi tumbula, se e engeta e txi sisa. Kambe kutsakani kwakwe, a to tsula eya xavisa sotshe si a ku naso e xava thembwe yile.

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Mika 1:11

Pinda awe u hanyako Safiri, ni tingana tako ta kwa mbi ambala txilo; awule a zumbako Zahana kha huma; huwa ya Bheti-Ezeli yi na mi tutumisa mi huma ditikoni kwanu.

Masalmo 73:24

Ngawe u ni tsimbitisako ngu mlayo wako u na ni amukela kudhumiswani kwako.

Mtuletelo 3:17

Nguko u khawe: ‘Ni nyatithombe, ni humelete, kha ni pwati txilo.’ Aniko khu ti zivi ti to ngawe mxaniseki: Nyantshanzale, u txisiwana, u dibhofu, khwa ambala txilo!

Mtuletelo 2:9

Na kuziva kuxaniseka kwako ni wusiwana wako kambe awe u nyatithombe, ni ziva ni siruko si va ku rukako ngu sona vamwani va ti dhanako ku mba Judha, na i si nga vona, aniko vona i disinagoga da Sathani.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Isaya 47:3

Tingana tako ti na vhunungulwa, se ku na wonaneka wumbwiri wako; ni na phota, kha ni na mbi siya m'thu ni wammweyo.

Mavingu 23:23

Xava wunene, aniko u nga wu xavise; ina, wutxhari, gondo, ni kupimisisa.

2 Vakorinto 5:3

kasiku hi di mndani ka yona hi si ti pfi hi sa ambala txilo.

Luka 12:21

Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

Nahume 3:5

Wona taku ani na kuwukela, kuwomba Mkoma wa Mabutho a Tiyimbi, se ni na vhunungula khohe yako, ni kombisa wumbwiri wako ka matiko, ni tingana tako ka mifumo.

Matewu 25:9

Aniko timbiri to txhariha ti to angula ti txi kha tona: ‘Ahim-him, mafura ma nga thuka ma si hi eneleli athu ni nanu; tsulani ka vale va xavisako, mi ya ti xavela nanu.’

Jeremiya 13:26

Ngu konaho, ni na guleta txiambalo txako kala khoheni kwako, ti taku ku txi woneka tingana tako.

Ekleziyaste 8:2

Ani ni khani: Xayisa sirumo sa mfumeli, ngu mhaka ya txixambanyo txako ka Txizimu.

Mavingu 19:20

Engisa sileleto, u amukela kukawukwa, u na va txhari ka masiku ako o gwitisa.

Mavingu 1:30

kha ma si lava sileleto sangu, kambe mi kanetile kotshe kulaya kwangu.

Mavingu 1:25

anu mi to khata kulamba sileleto sangu, kambe kha ma tumela kukawuka kwangu;

Masalmo 107:11

ngu kuva va di eyisile sileleto sa Txizimu ni kunyenya mithetho ya Nyatxitimwi.

Masalmo 16:7

A na dhumiswe Mkoma, a ni layako; hambi ni wusiku wa khumbukisa livhalo langu.

1 Timoti 6:18

Va na mahe wunene, va nave vanyatithombe ngu mithumo, va nave ni wuha, ve ziva kuabana ni vamwani.

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.