Mtuletelo 3:17 - Bhiblia Yo Sawuleka

¹⁷ Nguko u khawe: ‘Ni nyatithombe, ni humelete, kha ni pwati txilo.’ Aniko khu ti zivi ti to ngawe mxaniseki: Nyantshanzale, u txisiwana, u dibhofu, khwa ambala txilo!

Mtuletelo 3:17 Referans Kwoze

Mavingu 13:7

Ku ni wule a ti mahako nyatithombe, na asi nga ni txilo ni txa tximwetxo, ni wule a ti mahako txisiwana, na a di ni thomba yayingi.

Hoseya 12:8

Se Efrayime a khene: Hambiketo, ani na ti fumisa, kambe na ti manela tithomba ta hombe; Ka yotshe mithumo yangu, kha va na mbi mana wubihi ni wawumwewo, i ku txionho.

Mtuletelo 2:9

Na kuziva kuxaniseka kwako ni wusiwana wako kambe awe u nyatithombe, ni ziva ni siruko si va ku rukako ngu sona vamwani va ti dhanako ku mba Judha, na i si nga vona, aniko vona i disinagoga da Sathani.

Varoma 7:24

Dikhombo dangu! I mani a no ni thusa ka mmidi wuwa wa lifo kani?

Luka 1:53

Avale va nzala a va khurisile ngu sa sinene, e hangalasa avale va kutithemba, na va si nga ni txilo manzani.

Matewu 9:12

Jesu a to va engisa, se e va xamula a txi khene: “Hi nga vale va ku ni wutomi ava va lavako ñanga, aniko ngu vale va lwalako.

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

Varoma 12:3

Ngu mtamo wa kateko yi ni nga ningwa, na laya mmwani ni mmwani a ku hagari kwanu ti to asi thuki a txi ti alakanyela kupinda mpimo wa fanelo yakwe, aniko a nave ni mapimo a kutiveka hahatshi, madingano ni mpimo wa likholo li Txizimu txi nga avela ka mmwani ni mmwani hagari kwanu.

Genesisi 3:7

Sekoko maso awe ngu wumbidi wawe, ma to tuleka, se va to tiziva ti to i ti ti simbwiri; konaho va to runga sitshapa sa mkuwu, ve ti mahela syambalo sawe.

2 Pedro 1:9

Nguko, awu a ku si nga naso siya sotshe, ndibhofu, kha woni kule, kambe a divate ti to a basisilwe ka sionho sakwe sa kale.

Matewu 5:3

“Va katekile ava i ku sisiwana moyani, nguko Mfumo wa nzumani mbwawe!

Luka 6:24

Aniko, dikhombo danu anu vanyatithombe, nguko mi ku mani kale kuthavelelwa kwanu.

Zakariya 11:5

eto vaxavi va tona va dayako, na va si thavi kumana mnandu; ni vaxavisi va tona va ku kha vona: A na bongwe Mkoma, nguko ni fumisilwe, hambi vadyisi va tona kha va tsetsi tinvuta tile.

Eksodha 32:35

Ngu kumaha keto, Mkoma Txizimu a tsayisile vathu, nguko va kurumetile Aroni ku va mahela txithombe txa dirole.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Varoma 11:20

Ngu txona; ma phatutwe ngu ku ambi kholwa; se awe u tsani ngu mhaka ya kukholwa, u nga ti kulise, aniko thava!

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Isaya 42:19

I mani i ku dibhofu, i si nga txithumi txangu, mwendo diphazeve kufana ni txirumwa txangu, atxi ni txi rumako kani? Niku i mani i ku dibhofu kufana ni wule a randekako, i ku dibhofu kufana ni txithumi txa Mkoma kani?

Mavingu 30:9

Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.

Mtuletelo 3:16

Ngu konaho, ngako u ko futumela, u si hisi mwendo kutitila, ni na ku kamba mkanani kwangu.