Mtuletelo 3:15 - Bhiblia Yo Sawuleka

¹⁵ Na yi ziva mithumo yako: Khu titili, kambe khu hisi. Ti ndina tshura, idiku wa titila mwendo kuhisa.

Mtuletelo 3:15 Referans Kwoze

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

Jakobe 1:8

Nguko, eyo i m'thu wa mipimiso yimbidi, wa kana-kana ka totshe tinzila takwe.

1 Vafumeli 18:21

Sekoko, Elija a to tshuketa hafuhi ka votshe vathu a txi khene: Mi na khwita hagari ka mipimiso yimbidi kala yihi mbimo kani? Ngako Mkoma i di Txizimu mlondiseleni; ni loku i di Bhahali, mlondiseleni. Hambi keto, vathu kha va mxamula txilo.

Mtuletelo 2:4

Kambe na kusola nguko u lekile lirando lako lo khata.

Matewu 24:12

Se ngu mhaka ya kutala ka wubihi, lirando la wungi wa vathu li na hola.

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Vafilipiya 1:9

Ni kombela ti to lirando lanu li na kule ditshiku ni ditshiku, amu ka wuzivi ni wutxhari,

2 Vakorinto 12:20

Ngu toneto, na thava ti to ngako ni txi ta, ni nata mi mana mi si nga ka ti ni ti randako, na nanu mi txi ta ni mana ni di ka ti mi si ti laviko. Na thava ti to hagari kwanu ku txi va ni mazunga, kuvengelana, kuhenyelana, wukhuxu, kurukana, kulumbetana, kutikukumukisa, vhilinganya.

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Dhewuteronome 5:29

Sikwawe, idiku timbilu tawe yotshe mbimo to va ni mapimo o nga toneto, veva ni txithavo, va txi vekisa ngu kusimama sotshe sirumo sangu, va ndi na zumbiseka ta tinene, vona ni vanana vawe, kala kupinduka.

Mtuletelo 3:1

Ka ngelozi ya Dibanza da Sardhisi, bhala u txi: “A womba tiya awule a ku ni mtxhanu wa Mimoya ni yimbidi ya Txizimu ni tinyeleti ta mtxhanu ni timbidi: Na yi ziva mithumo yako: U na ni nduma ya ti to wa hanya, kasi u fite.

Mtuletelo 2:2

Na yi ziva mithumo yako, kukhatala kwako ni kutimisela kwako, na tiziva ti to khu sikoti kupfana ni vathu vo biha; u va xote u txi va tumbula ava va nga ti ti womba ku mbaprofeti, na i si nga vona, u va woni ti to mba makuhu.

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

Hoseya 10:2

Timbilu tawe ti abanekile; ngu kumaha keto, va na va ni mnandu; a na wilela siluvelo sawe, e khundumusa ni sifananiso sawe so wumbwa.

1 Vakorinto 16:22

Awu asi randiko Mkoma a nave kurukwani. Maranatha! Ngono, Mkoma!

Hoseya 7:8

Efrayime a ti pata ni vathu vamwani; Efrayime tximbwanda txa kwa mbi phinduketwa.

Mtuletelo 3:16

Ngu konaho, ngako u ko futumela, u si hisi mwendo kutitila, ni na ku kamba mkanani kwangu.