Mtuletelo 3:14 - Bhiblia Yo Sawuleka

¹⁴ Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.

Mtuletelo 3:14 Referans Kwoze

Vakolosa 1:15

Kristu i Txifaniso txa Txizimu txi txi si wonwiko, Matiwula a sotshe sivangwa,

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Vakolosa 1:18

Ene i Msungo wa Dibanza i ku Mmidi wakwe. Ene i makhato, i matiwula a votshe vava va wukako ngu ka vafi; ngu toneto a mani wuthangeli ka sotshe simaha.

2 Vakorinto 1:20

Nguko, sotshe sithembiso sa Txizimu, si mani “Ina” wa sona kwakwe Jesu Kristu. Ngu toneto, hi pfalisako Txizimu ngu ngene hi txi “Amen.”

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Mtuletelo 22:13

Ani ngani Alfa ni Omega, Wo khata ni Wo gwita, Makhato ni Magwito.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Jeremiya 42:5

Sekoko vona va to kha vona ka Jeremiya: Mkoma ngene fakazi yathu ya ditshuri yo thembeka, ngako hi si mahi totshe ti Mkoma, Txizimu txako, a no kuruma ku ta hi gela tona.

Isaya 65:16

Se awule a katekiswako ha mafuni a na katekiswa ngu Txizimu txa ditshuri; ni wule a xambanyako ha mafuni, a na xambanya ngu Txizimu txa ditshuri; Nguko sixaniso sa kale si divatwe, kambe si fenengetilwe masoni kwangu.

Mavingu 8:22

Mkoma a ni mani makhatoni ka tinzila takwe, na asi se maha mithumo yakwe ya kale ngutu.

Mtuletelo 22:6

Se Ngelozi yi to ni gela, yi txi kha yona: “Mapswi yawa ngo thembeka ni a ditshuri, nguko Mkoma, Txizimu txi ningako moya wa txona ka vaprofeti, txi rumete ngelozi ya txona kasi kukomba sithumi sa txona ati ti no maheka ngu kukuluveta.”

Mtuletelo 21:6

A to engeta kambe a txi khene: “Ona mapswi awa ma tatisekile. Ani ngani Alfa ni Omega, ngani Makhato ni Magwito; ka wu a ku ni ditora ni na mninga mahala mati a txisima txa wutomi.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

Vakolosa 4:16

Msana ka kuva di di gondilwe hagari kwanu dipapilo diya, di ningeleni di gondwa kambe Dibanzani ka Laodhikheya; na nanu lavani kugonda adi di tako ngu Laodhikheya.

Vakolosa 2:1

Ni dhunda ti to mi txi ziva yimbi yi ya hombe ngutu ni lwako ngu kota yanu ni va niya Laodhikheya ni votshe vava va si ni ziviko ngu khohe,

Isaya 55:4

Wonani taku ani ni m'vekile kuva fakazi ka vathu, kuva mthangeli ni mfumeli wa vathu.

Genesisi 49:3

Rubheni, awe u matiwula angu, mtamo wangu ni makhato a mtamo wangu, u wo khata amu ka fanelo, u wo khata amu ka mtamo.

Dhewuteronome 21:17

A na ninge wukhalo mwanana wa matiwula wa wule asi mrandiko, ngu kuva a txi mninga syavelo simbidi sa thomba, ya sotshe sile a ku naso, nguko eyo ngene i ku makhato a mtamo wakwe, ngene a ku ni fanelo ya wutiwula, wu wu mlumbako.

Mavingu 14:5

Fakazi ya ditshuri kha yi na kuhemba, aniko fakazi ya makuhu yi wombawombela makuhu.

Johani 1:3

Sotshe si vangilwe ngu dona, kuwalo ni txa tximwetxo txi nga vangwa hahanze ka dona.

Johani 8:14

Jesu a to va xamula a txi khene: “Hambi ni txi ti fakazela nipune, wufakazi wangu mbwa wunene, nguko na kuziva amu ni tako ngu kona, ni mu ni yako kona.