Mtuletelo 3:12 - Bhiblia Yo Sawuleka

¹² Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Mtuletelo 3:12 Referans Kwoze

Mtuletelo 22:4

Si na wona khohe ya txona, ni ditina da txona, di na bhalwa ha timbanza ka sona.

Mtuletelo 21:2

Sekoko, ni woni didhoropa do sawuleka, Jerusalema wamphya, a nga txi relela ngu nzumani, a txi khukhela ka Txizimu, didhoropa do tshurisa ku nga wamsikati wu a nga bombiselwa mkatawe.

Mtuletelo 14:1

Se ni to wona tiya: Txinvutana txi ti emile txitimwi ka mmango wa Siyoni, kumweko ni 144.000 wa vathu, avava va nga ti bhatwe ha mbanza ditina da Txinvutana, ni da Tate wa txona.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Jeremiya 1:18

Nguko nyamsi ni kuvekile kufana ni dikhokhola da mtamo, phande ya txikete, ni diguma da msuku masoni ka ditiko dotshe, masoni ka vafumeli va ka Judha, ni vathangeli vawe, vaphaxeli vawe, ni vathu va ditiko.

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Vahebheru 12:22

Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.

Masalmo 48:8

Nga ha hi nga tiengisa, se hi ti woni didhoropani, ka Mkoma wa Mabutho a Tiyimbi, i ku didhoropani ka Txizimu txathu. Txizimu txi na di tsanisa kala kupinduka!

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

1 Vafumeli 7:21

Se a to emisa tisika ha txikeni ka dithepele; a to emisa sika didhawa da txinene, ditina da yona i ti ti Jakimu; mbimo yi a nga emisa sika ya txibhabha, a to yi raya ku i Bhowazi.

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Vaefesu 3:15

Tate wuwa, mwaya ni mwaya, aniya nzumani ni ha mafuni, wu ku ni ditina dakwe.

Ezekhiyele 48:35

Kuranganyetwa ngu 18.000 wa tipimo; kambe ditina da didhoropa kukhukhela ditshiku dile i nava: Mkoma Waho Hale.

Isaya 65:15

se mi na leka ditina danu di maha txiruko ka va sawuleki vangu; Mkoma Txizimu a na mi daya; se sithumi sakwe a na si dhana ngu dimwani ditina.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Masalmo 87:3

Awe didhoropa da Txizimu, ta tsakisa ngutu ati Txizimu txi wombawombako, na txi txi dhumisa awe:

Masalmo 46:4

Mnambo wa tsakisa, ngu milonga ya wona, didhoropa da Txizimu, didhoropa do sawuleka ngutu da kuzumba Nyatxitimwi.

Isaya 62:2

Se matiko ma na wona kululama kwako, ni votshe vafumeli va na wona wudhumo wako; se va na ku dhana ngu ditina dadiphya, adi txisofu txa Mkoma txi no di raya.

Ezekhiyele 40:49

Kulapha ka m'hubhe i ti ti ka magumi mambidi a mikono, se kuanama i ti ti ka digumi da mikono ni wumwewo; ku ti ti kwelwa ngu sivango; kambe ku ti ti ni tiphande hafuhi ni tisika, phande yimweyo ka didhawa dimwedo, ni yimwani ka dimwani.

Vahebheru 13:14

Nguko hahatshi hawa, kha hi nga ni didhoropa do tsana, aniko hi lava didhoropa di di tako.

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Marku 12:16

Vona va to di neha. Se ene a txi khene kwawe: “Txifaniso txiya ni m'bhalo wuwa, nza mani kani?” Va txi kwakwe: “Nza Khezari.”