Mtuletelo 3:11 - Bhiblia Yo Sawuleka

¹¹ Na ta kunukunuku, ñolisisa ngu kutsana asi u ku naso, kasiku ni mmweyo asi thuki e kuhonyola m'bhoti wako.

Mtuletelo 3:11 Referans Kwoze

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Mtuletelo 22:12

Wonani, ani nata konkuwa, kambe ni nata ni hakhelo: Ni na ta ninga mmwani ni mmwani madingano ni mithumo yakwe.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Mtuletelo 2:25

aniko zumbani mi di tsani ka tile mi ku nato, kala ni txi ta.

2 Timoti 4:8

Konkuwa ni lulamisetwe m'bhoti wo lulama, awu ni nota ningwa ngu Mkoma, mlamuli wo lulama, ka ditshiku da hombe, i si nga ani nokha, aniko ni ka votshe vale va no va va di rinzete ngu lirando kuhumelela kwakwe.

2 Timoti 2:5

Kufana ni toneto, amu ka mapalisana a kulwa, ndena ya kulwa kha yi amukeli m'bhoti, ngako yi sa lwa ngu tifanelo ti ti lavekako.

Mtuletelo 22:20

Awule a fakazako timhaka tiya wa womba a txi khene: Ina, ani nata kunukunuku!” Amen. Ngono, Mkoma Jesu!

Mtuletelo 1:3

A katekile awule a gondako ni vale va engisako dipswi da txiprofeto txiya, ngako va txi vekisa ati ti nga bhalwa, nguko mbimo yi hafuhi.

Mtuletelo 4:10

madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona:

1 Vakorinto 9:25

Awule a ti longiselako ku yalwa, wa ti tona so tala, kufela ku e wuyelwa ngu m'bhoti wu wu sinako, aniko athu hi lwela m'bhoti wu wu si siniko.

Mtuletelo 3:3

Ngu konaho alakanya ati u nga ti amukela ni ku tiengisa. Ti xayise u txi hunduluka. Ngako u si woneleli, ni nata nga dikhamba, na awe u si txi zivi txikhati txi ni no ku tela ngu txona.

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Mtuletelo 22:7

Jesu a khene: “Wonani, nata konkuwa! A katekile awu a veketako mapswi a kuprofeta ka dibhuku diya.”

Zefaniya 1:14

Ditshiku da hombe da Mkoma di hafuhi, di hafuhi, kambe da kuluveta ngutu dipswi da ditshiku da Mkoma; wamwamna wa mtamo ngutu, a na peka nyandayeyo.

Jakobe 5:9

Mi nga mangalaneni, vanathu, kasiku mi si ta lamulwa. Wonani ti to Mlamuli a ha txikeni.

Vafilipiya 4:5

Wunene wanu wu na ziwe ngu votshe vathu. Mkoma a hafuhi!

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.