Mtuletelo 22:6 - Bhiblia Yo Sawuleka

⁶ Se Ngelozi yi to ni gela, yi txi kha yona: “Mapswi yawa ngo thembeka ni a ditshuri, nguko Mkoma, Txizimu txi ningako moya wa txona ka vaprofeti, txi rumete ngelozi ya txona kasi kukomba sithumi sa txona ati ti no maheka ngu kukuluveta.”

Mtuletelo 22:6 Referans Kwoze

Mtuletelo 1:1

Awuwa i Mtuletelo wa Jesu Kristu, awu Txizimu txi nga mninga, kasiku e kombisa ka sithumi sakwe ati ti fanelako kumaheka kunukunukuwa. Kristu a zivisile timhaka tiya ngu kurumela ngelozi yakwe ka txithumi txakwe Johani,

Mtuletelo 21:5

Senikoko, awule a nga ti maneka a di khalahatshile ha txikhaloni ka wukoma, a ti khene: “Wonani: Sotshe na si hindula si txi maha sa siphya.” Se a to engeta a txi khene: “Bhala, nguko mapswi awa ngo thembeka ni a ditshuri.”

Mtuletelo 19:9

Ngelozi yi to ni gela yi txi kha yona: Bhala u txi khawe: “Va katekile avale va nga dhanelwa m'buso wa mtxhadho wa Txinvutana.” Yi engeta yi txi kha yona: “Aawa ngu ona mapswi a ditshuri a Txizimu.”

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

Mithumo 3:18

Kambe Txizimu, ngu nzila yo nga tiya, txi lavile kutatisa ati txi nga songolela ku ti womba ngu txisofu txa votshe vaprofeti, atiya taku: Kristu a fanete kuxaniseka.

Luka 1:70

Nga ti a nga womba kale ngu txisofu txa vaprofeti vakwe vo sawuleka.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

2 Pedro 3:2

kufela ku mi khumbukisa mapswi ale ma nga wombwa kale ngu vaprofeti vo sawuleka, ni txileleto txa Mkoma ni Muhanyisi, atxi mi nga ningwa txona ngu Vapostoli vanu.

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Varoma 1:2

ayi Txizimu txi nga ti yi thembisile kale, ngu vaprofeti va txona, mu ka Mibhalo yo Sawuleka;

Mtuletelo 22:7

Jesu a khene: “Wonani, nata konkuwa! A katekile awu a veketako mapswi a kuprofeta ka dibhuku diya.”

1 Vakorinto 14:32

Mimoya ya wuprofeti mi lamulwa ngu vaprofeti.

Matewu 13:41

Mwanana wa M'thu a na rumela tingelozi takwe, ati ti no thavisa ka Mfumo wakwe votshe va i ku vakhuvekisi ni votshe va va mahako to biha,

Genesisi 41:32

Ngako mloro wuwa wa Faro wu nga woneka sikhati simbidi, tikomba ti to mhakeyo yi tsanisilwe ta tinene ngu Txizimu, kambe Txizimu txi na kuluvetela ku ti maha eto.

Luka 16:16

“Mlayo ni tigondo ta Vaprofeti ngu sona si nga txi thuma kala kuza e hoka Johani Mubhabhatisi; kukhukhela konako, Evhangeli ya Mfumo wa Txizimu ya txhumayelwa, se mmweyo ni mmweyo wa ti karata kufela kuwulela ka wona ngu mtamo.”

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,

1 Vakorinto 7:29

Na mi gela, vanathu, ti to txikhati txi komile. Kukhukhela ka konkuwa, ava va ku ni vasikati va na hanyise ku nga kha va nga navo;

Mithumo 12:11

Se ene, ngako a di ambulukile, a to khene: “Konkuwa se na tiziva ngu ditshuri ti to Mkoma a rumete ngelozi yakwe yi ta ni hulukisa manzani ka Herodha ni kuwonelelani ka dibutho da Vajudha.”

Mtuletelo 4:1

Msana keto, ni to wona txiwoniso: Ditimba di nga ti tutwe nzumani, se dipswi do khata di ni nga ti di engisile, do tuma ku nga mpundu, di txi kha dona: “Kwela u txi ta hawa, kasiku ni ta kukomba ati ti no maheka msana ka tiya.”

Mtuletelo 21:9

Msana keto, yimweyo ka tingelozi ta mtxhanu ni timbidi, ti nga ti ni magombe a mtxhanu ni mambidi, ma di tate ngu mtxhanu wa mitungu ni yimbidi yo gwitisa, yi to ni tela yi ta ni gela yi txi kha yona: “Ngono ni ta kukomba txiwutwa, msikati wa Txinvutana!”

Mtuletelo 22:1

Msana keto, ngelozi yi to ni komba mnambo wa mati a wutomi, o khetima nga kristali; wu txi huma ngu ka txikhalo txa wukoma txa Txizimu ni txa Txinvutana.

Mtuletelo 22:16

Ani Jesu, ni rumete Ngelozi yangu, kasi ku mi fakazela timhaka tiya ti lumbako mabanza: “Ani ni diphasikela da liveleko la Dhavhidha, ni nyeleti yi phatimako hale mixo.”