Mtuletelo 22:12 - Bhiblia Yo Sawuleka

¹² Wonani, ani nata konkuwa, kambe ni nata ni hakhelo: Ni na ta ninga mmwani ni mmwani madingano ni mithumo yakwe.

Mtuletelo 22:12 Referans Kwoze

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Isaya 62:11

Wonani taku Mkoma a zivisile kala magwito ka mafu, a txi khene: Gelani mwanana wa muhorana wa Siyoni, mi txi khanu: Wona taku kuhanyiswa kwako kata; wona taku kuta ni hakhelo yako, ni mithumo yakwe yi thangete masoni kwakwe.

Isaya 40:10

Wonani taku Mkoma Txizimu a nata, kufana ni ndena, se diwoko dakwe di na fuma; wonani taku, ata ni txhatxhazelo yakwe, ni hakhelo, masoni kwakwe.

1 Vakorinto 3:14

Se ngako mthumo wa m'thu wu di akilwe wu di tsani, muaki a na tshungulwa.

1 Vakorinto 3:8

Awu a phayako kumweko ni wu a theletelako mati mbamwevo; se mmwani ni mmwani a na tshungulwa madingano ni mthumo wakwe.

Mtuletelo 22:7

Jesu a khene: “Wonani, nata konkuwa! A katekile awu a veketako mapswi a kuprofeta ka dibhuku diya.”

Varoma 14:12

Ngu toneto, mmweyo ni mmweyo wathu a na ya ti xamulela masoni ka Txizimu.

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

Mtuletelo 22:20

Awule a fakazako timhaka tiya wa womba a txi khene: Ina, ani nata kunukunuku!” Amen. Ngono, Mkoma Jesu!

Zefaniya 1:14

Ditshiku da hombe da Mkoma di hafuhi, di hafuhi, kambe da kuluveta ngutu dipswi da ditshiku da Mkoma; wamwamna wa mtamo ngutu, a na peka nyandayeyo.

Jobe 34:11

Nguko, txi tshumetela m'thu, madingano ni mithumo yakwe; txi maha ti to m'thu ni m'thu e mana, madingano ni dihanyo dakwe.

Masalmo 28:4

Va hakele madingano ni mithumo yawe, madingano ni kubiha ka simaho sawe. Va tshumetele madingano ni simaho sawe so biha; va ninge asile si va fanelako.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Mtuletelo 3:11

Na ta kunukunuku, ñolisisa ngu kutsana asi u ku naso, kasiku ni mmweyo asi thuki e kuhonyola m'bhoti wako.