Mtuletelo 21:8 - Bhiblia Yo Sawuleka

⁸ Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mtuletelo 21:8 Referans Kwoze

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Mavingu 19:9

Fakazi ya makuhu kha yi na mbi huluka kutsayiswa; se ni wule a wombawombako makuhu, a na lova.

1 Johani 3:15

Votshe va va vengelako vanawe mbadayi va vathu; se ma tiziva ti to kuwalo wu i ku m'dayi, awu wutomi wo mbi guma wu sikotako kuzumba kwakwe.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

1 Timoti 4:2

Ngu mhaka ya kukanganyiswa ngu vamakuhu, avava livhalo lawe li nga vekwa txibawa ngu simbi yo hiswa:

Matewu 8:26

Se Jesu a to khene kwawe: “Anu vathu va kukholwa ka kudotho, mi ni dizowa ngu txani kani?” Sekoko a to khukha a txi ema, e dhusa txihuhuri ni linene; ngu msana keto, ku to tenga ngutu.

Mtuletelo 9:21

Kha va hunduluka kambe ka wugevenga wawe, ni ka matiloti awe ni ka wugelegele wawe ni ka wukhamba wawe.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Mavingu 19:5

Fakazi ya makuhu kha yi na mbi va ni ditshuri; ni wule a wombawombako makuhu, kha na mbi huluka.

Dhewuteronome 20:8

Se va na simama vathangeli va mazana ve womba ka vathu, va txi kha vona: “I mani a ku ni dizowa, awu a nga wika msana kani? A na khukhe a txi tsula m'tini kwakwe, kasi wupwembwe wakwe wu si tshapeli ka vanawe.”

1 Johani 2:22

I mani i ku wa makuhu, i si nga wule a kanetako ti to Jesu i Mesiya, kani? M'thu wo ngeto, ngeneyo Mkaneti wa Kristu, a lambako Tate ni Mwanana.

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

1 Johani 5:10

Awu a kholwako ka Mwanana wa Txizimu, wufakazi wu kwakwe. Awu asi kholwiko ka Txizimu txi maha Txizimu txa makuhu, nguko kha kholwi ka wufakazi wu txi nga mahela Mwanana wa txona.

Isaya 57:11

Se u thava mani mwendo kudhudhumela, aha koza u hemba u si ni alakanyi, mwendo ku ni veka mbiluni kwako kani? Ina hi nga mhaka ya kule ni nga malala kukhukhela kale, se u si ni thavi kani?

Valamuli 7:3

Konkuwa tsula u txi ya gela vathu ku khawe: Awu a ku ni dizowa i ku dipwembwe, a na khukhe mmangoni ka Gileyadhi e tshumelela msana. Konako ku to khukha 22.000 wa vavamna, ve tshumela, kusala 10.000 dwe.

Mtuletelo 2:2

Na yi ziva mithumo yako, kukhatala kwako ni kutimisela kwako, na tiziva ti to khu sikoti kupfana ni vathu vo biha; u va xote u txi va tumbula ava va nga ti ti womba ku mbaprofeti, na i si nga vona, u va woni ti to mba makuhu.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

2 Vatesalonika 2:9

Kuta ka m'bihi ku na kombiswa ngu mithumo ya Sathani, a na va ni mitamo yotshe, ni sikombiso, ni sidiwukiso sa makuhu.

Vahebheru 12:24

ni ka Jesu muemeli wa txitumelelano txa Txiphya, ni ka mnoha wa kuxwayela, wu wu ku ni lisima lo pinda mnoha wa Abhele.

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

Mtuletelo 9:17

Amu ka txiwoniso txangu, ntengo wa mahantxhi ni vagadhi va ona, ni si wonisile tiya: Va ti ambate sikatawu so vhika ngu sona, so bhilivila nga mndilo, ni nkuxe nga jakinta ni halandi nga txivavula, misungo ya mahantxhi yi ti fana ni ya tingonyamo, se ngu mkanani ka ona ku txi huma mndilo ni wutshi ni txivavula.

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Matewu 25:25

Ngu konaho, ni ti ya sisa talenta yako, ngu dizowa, hahatshi ka mafu. Nditxe tximaha txi txi kulumbako.’

Marku 9:44

[ahawa mbungu yawe yi si fiko, ni mndilo wu si timekiko.]