Mtuletelo 21:4 - Bhiblia Yo Sawuleka

⁴ Se Txizimu txi na bahulela yotshe mirongo tikhoheni kwawe; kha ku na mbi swa ku txi maneka kambe lifo, hambi kudila, hambi tihuwa, hambi kupandiseka, nguko so khata si pindile.”

Mtuletelo 21:4 Referans Kwoze

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Mtuletelo 7:17

Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

1 Vakorinto 15:26

Se mlala wo gwitisa a fanelako kufuviswa, ngu lifo.

Isaya 60:20

Kha di na mbi ngadi di txiswa ditambo dako, hambi mtxima wako kha wu na mbifa, nguko Mkoma i nava liwoningo lako yotshe mbimo, ni masiku a m'zila wako ma na guma.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

1 Johani 2:17

Kasi ditiko da pinda ni kunavela ka dona, kambe awu a mahako kuranda ka Txizimu, a zumba ngu ha ku si gumiko.

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Isaya 30:19

Nguko vathu va na zumba Siyoni, kona Jerusalema; khu na mbi dila kambe; ngu ditshuri a na kupfela wusiwana, ka dipswi da kudila kwako; se a txi dipfa, a na kuxamula.

Mtuletelo 21:1

Konako ni to wona nzuma ya yiphya ni mafu a maphya, nguko nzuma yo khata ni mafu o khata si ti fuvile ni linene li si swi li diho.

Mtuletelo 20:14

Lifo ni Hadhesi si to vinzwa txizivani ka mndilo. Aliya i lifo la wumbidi: Txiziva txa mndilo.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Mtuletelo 22:3

Kuruketela kha ku na mbi vaho kambe. Ka dona didhoropa diya ku nava ni txikhalo txa wukoma txa Txizimu ni txa Txinvutana, se sithumi sa Txizimu si na txi khozela;

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.

1 Vakorinto 7:31

ani va va londolako sa mafu awa, va ne nga kha va si thumisi, nguko mazumbelo a ditiko diya ma guma.

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Masalmo 144:4

M'thu a fana ni wukanganyisi; masiku akwe ma fana ni mtsudi wu wu pindako.

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

2 Vakorinto 5:17

Ngu kumaha keto, awu a ku ka Kristu, njivangwa txa txiphya; sa kale se si pindile; sotshe si mahile sasiphya.

Vahebheru 12:27

Mapswi awa kambe ma zivisa ka wumbidi ti to si na fuviswa sotshe siwumbwa so dekadeka sa ha mafuni, kasiku si txi sala dwe asi si si dekadekiko.

Mtuletelo 20:13

Linene li to tshumeta vafi va va nga ti ka lona. Lifo ni Hadhesi si to ningela vafi va va nga ti ka sona, se mmwani ni mmwani a to lamulwa mandingano ni mithumo yakwe.