Mtuletelo 21:27 - Bhiblia Yo Sawuleka

²⁷ Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Mtuletelo 21:27 Referans Kwoze

Isaya 52:1

Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Matewu 13:41

Mwanana wa M'thu a na rumela tingelozi takwe, ati ti no thavisa ka Mfumo wakwe votshe va i ku vakhuvekisi ni votshe va va mahako to biha,

Joyeli 3:17

Se anu mi na tiziva ti to ani ngani Mkoma, Txizimu txanu, ni zumbako Siyoni, mmangoni kwangu ko sawuleka; kambe Jerusalema a na va msawuleki; vamatiko kha va na mbiswa ve pinda ngu ka kona.

Ezekhiyele 44:9

Mkoma Txizimu a khene: Ni wammweyo wu i ku dikhutu mbiluni mwendo nyamani, kha na mbi wulela nyumbani kwangu ko sawuleka, ka ni wihi wa vamatiko vale va no maneka hagari ka vanana va ka Israyeli.

Vaefesu 5:5

Zivani ti to awalo m'thu wu a no mana thomba ya mfumo wa Kristu ni wa Txizimu, ngako i di m'gelezi mwendo wu a mahako mithumo ya nzambwa, mwendo mnaveli wa tithomba, awu i ku mkhozeli wa sa walo.

Masalmo 101:8

Ditshiku ni ditshiku ni na lovisa votshe vale va mahako kubiha ha ditikoni; kasi kufuvisa sotshe sigevenga didhoropani ka Mkoma!

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Zakariya 14:21

Se totshe tikhadi ta Jerusalema ni ta Judha, ti na sawulekiselwa Mkoma wa Mabutho a Tiyimbi, ni votshe vale va no phaxela va nata, ve ta teka ve bhikela ka tona; kambe ka ditshiku donedo, kha ku na mbiswa kumaneka Mkanana Nyumbani ka Mkoma wa Mabutho a Tiyimbi.

Mitengo 12:15

Ngu kumaha keto, Miriyamu a to khotelwa mtxhanu wa masiku ni mambidi, hahanze ka wugovelo, vathu kha va nga khukha kala Miriyamu e wuya.

Mitengo 5:3

Humisani vavamna ni vavasikati mi txi va veka hahanze ka wugovelo. A ti to vanana va ka Israyeli va si nzambwiswi ka wugovelo wawe, vale ni zumbako hagari kwawe.”

Levhi 13:46

Ngako dithanzi di txi simama ha nyamani ka mmidi wakwe, a na va a txi ziwa ti to kha basa, se a na hanya ekha, hahanze ka wugovelo.

Eksodha 32:32

Konkuwa koko, divalela txionho txawe, kha ditshuri, na kombela ti to u pfhita ditina dangu, amu ka dibhuku di u nga bhala.”

Marku 7:2

Se ngako va txi wona vagondiswa vokari va Jesu, na va txi dya sakudya ngu manza a nzambwa, ti ti wombako ku va sa thanga ngu kusamba manza, va to sola.

Luka 10:20

Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

2 Pedro 3:13

Hambi keto, athu, kota nga ti Mkoma a nga hi thembisa, hi rinzela tinzuma ta tiphya ni ditiko da diphya, ahawa kululama ku nga aka kona.