Mtuletelo 21:17 - Bhiblia Yo Sawuleka

¹⁷ Ngelozi yi to pima ni dona diguma: Di ti ni madingo a 144, i ku mapimelo a vathu, yi nga ti pima ngu ona ngelozi.

Mtuletelo 21:17 Referans Kwoze

Mtuletelo 13:18

Ahawa kulaveka wutxhari! Awu a ku ni kupfisisa a na tumbule txibalo txiya txa txikalani, nguko txibalo txiya txi womba ditina da m'thu: Txibalo txa kona i 666.

Mtuletelo 7:4

Se ni engisile ntengo wa vale va nga bhalwa sikombekiso: I ti 144.000 ava va nga bhalwa ka tixaka totshe ta vanana va ka Israyeli.

Dhewuteronome 3:11

(Oge, mfumeli wa Bhasani, i ti ene ekha wa liveleko la vanyasihakate va ka Refayime a nga ti sate. A ti ti ni m'bhedhu wa simbi, awule wu nga ti ni mpimo wa mtxhanu wa mikono ni mune kulapha ka wona, ni mune wa mikono kuanama ka wona, ngu mpimo wa mkono wa vathu, ina kha wu nga diho ni konkuwa kona Rabha, m'tini ka vanana va ka Amoni kani?)

Mtuletelo 21:9

Msana keto, yimweyo ka tingelozi ta mtxhanu ni timbidi, ti nga ti ni magombe a mtxhanu ni mambidi, ma di tate ngu mtxhanu wa mitungu ni yimbidi yo gwitisa, yi to ni tela yi ta ni gela yi txi kha yona: “Ngono ni ta kukomba txiwutwa, msikati wa Txinvutana!”

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

Mtuletelo 21:16

Didhoropa di ti ni mune wa makhona: Kulapha ka dona ku ti ti fana ni kuanama ka dona. Konako ngelozi yi to pima didhoropa ngu ndonga: Di ti ni 12.000 wa makilometru. Kulapha, kudemba ni kuanama ka fana.