Mtuletelo 21:15 - Bhiblia Yo Sawuleka

¹⁵ Ngelozi yi yi nga txi womba-womba ni nani yi ti ni ndonga ya nzalama kasi kupima ngu yona didhoropa, ni matimba a dona ni diguma da dona.

Mtuletelo 21:15 Referans Kwoze

Zakariya 2:1

Ni tshumete kambe ni guleta maso angu, se ni wona wamwamna, a nga ti ti ni ngoti manzani, yo pima ngu yona.

Ezekhiyele 40:3

Di di ni hokisile hafuhi naso, ku to woneka txo fana ni m'thu wo fana ni koporo, na a di ni ngoti ya linyu manzani kwakwe, ni litshava lo pima ngu lona, a di emile ha txikeni.

Zakariya 2:2

Se ani ni to khani: Uya hani kani? Se ene a to ni xamula a txi khene: No ya pima Jerusalema, kasi kuwona kuanama ni kulapha ka kona.

Mtuletelo 21:12

Di ti ni diguma da hombe do lapha, da digumi da sike ni simbidi, si wonelelwako ngu digumi da tingelozi ni timbidi; txitimwi ka sona sike sile, ku ti bhatwe matina a digumi da tihunzu ni timbidi ta vanana va Israyeli.

Mtuletelo 21:16

Didhoropa di ti ni mune wa makhona: Kulapha ka dona ku ti ti fana ni kuanama ka dona. Konako ngelozi yi to pima didhoropa ngu ndonga: Di ti ni 12.000 wa makilometru. Kulapha, kudemba ni kuanama ka fana.

Mtuletelo 21:21

Matimba a digumi ni mambidi, i ti digumi da tidhayimana ni timbidi. Ditimba ni ditimba di mahilwe ngu dhayimana yimweyo. Mtendela wa didhoropa wu mahilwe ngu nzalama ya lisima, nga dibono do wonekela.

Mtuletelo 21:25

matimba a dona kha ma na mbi thuka me sekwa ni mitshikari-nguko aho kha ku na mbi va ni wusiku.