Mtuletelo 21:12 - Bhiblia Yo Sawuleka

¹² Di ti ni diguma da hombe do lapha, da digumi da sike ni simbidi, si wonelelwako ngu digumi da tingelozi ni timbidi; txitimwi ka sona sike sile, ku ti bhatwe matina a digumi da tihunzu ni timbidi ta vanana va Israyeli.

Mtuletelo 21:12 Referans Kwoze

Mtuletelo 21:25

matimba a dona kha ma na mbi thuka me sekwa ni mitshikari-nguko aho kha ku na mbi va ni wusiku.

Isaya 54:12

Se ni na maha mafasitela ako ngu makristali, ni matimba ako ngu marubhime, se yotshe mihingano yako ngu marigwi o dhundeka.

Masalmo 122:7

Ku nave ni kudikha mndani ka maguma ako ni kuhumelela tinyumbani kwako ka wukoma.

Isaya 60:18

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

Masalmo 51:18

Xayisa Siyoni ngu wunene ni wumbilu wako; aketa maguma a Jerusalema.

Nehemiya 12:27

Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.

Mithumo 26:7

i ku txithembiso txi tihunzu tathu ta digumi ni timbidi ti verelako ku txi mana, na ti txi khutalela kukhozela Txizimu wusiku ni mitshikari. Mfumeli Agripa, ni mangalelwa ngu Vajudha ngu mhaka ya txona txithembiso txiya.

Ezra 9:9

Nguko tikhumbi ngathu, hambi keto wukhumbini kwathu kha txa hi leka Txizimu txathu; aniko txi hi mahete wunene masoni ka vafumeli va Persiya, kuva hi alakanya, ni kukhukhisa Nyumba ya Txizimu txathu, ni kuwusa sile si nga onhetelwa, ni kuhi ninga diguma kona Judha ni Jerusalema.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Luka 16:22

Se ti mahekile ti to txisiwana txile txi fa, txi tekwa ngu tingelozi, txi yiswa ha khanani ka Abrahamu. A to fa nene nyatithombe, se a txi kelelwa.”

Luka 15:10

Ani na mi gela ku khani, kufana ni toneto, ku na ni litsako la hombe masoni ka tingelozi ta Txizimu, ngu txionhi tximwetxo txi hundulukako.”

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

Eksodha 28:21

marigwi a mtengo wa hombe, ma nava a mtengo wa vanana va ka Israyeli: Digumi ni mambidi wa matina, nga ti mtengo wawe i ku tona, ma nava ma di bhatwe ngu ku khwekhwetela nga txialakanyiso, dimwani ni dimwani di na va ni ditina da kona, ku nga tihunzu ta digumi ni timbidi, ta va ka Israyeli.

Mtuletelo 21:13

Wutxani ku ti ni sike siraru; wuphemba ku ti ni sike siraru, wulambwe ku ti ni sike siraru, mwaditambo ku ti ni sike siraru.

Mtuletelo 21:15

Ngelozi yi yi nga txi womba-womba ni nani yi ti ni ndonga ya nzalama kasi kupima ngu yona didhoropa, ni matimba a dona ni diguma da dona.

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

2 Makronika 9:19

Kona txitimwi hale ka sikadha sa mtxhanu ni tximwetxo sa madhawa mambidi, ku di ni digumi da tingonyamo ni timbidi; ku si zivi ka nga mahwa so fana niso ka mfumo ni wawumwewo.