Mtuletelo 20:3 - Bhiblia Yo Sawuleka

³ Yi mrinza diphalani ko hokoma, adiya yi ngadi khubhunyeta, yi di lema ngu txixambanyo, kasi ku asi engeti e kanganyisa mifumo, kala me guma malembe a 1.000. Msana keto, a fanete kuthukunyulwa ngu mbimwanyana.

Mtuletelo 20:3 Referans Kwoze

Mtuletelo 20:1

Se ni to wona ngelozi yi txi txhika ngu nzumami, manzani yi di ni khiya ya diphala do hokoma ni txhini ya hombe.

Mtuletelo 17:8

Txikalani txi u nga txi wona, txi ti ti ho, aniko kha txi swi txi diho; txi hafuhi ni kuhuma ngu diphalani ko hokoma, kambe txi ya kulovani: Vaaki va ha mafuni, avava matina awe ma nga mbi bhalwa dibhukuni ka wutomi, kukhukhela ditiko di tumbuluka, va na xamala mbimo yi va no wona txikalani, nguko txona txi ti ti ho, konaku kha txiswi txi diho, aniko txi na tshumela txi humelela.

Dhaniyeli 6:17

Ku to rindilitwa dirigwi di vhala txike txa diphala; se mfumeli e di vhala ngu txitambu txa ringi yakwe ni ya vahombe vakwe, kasiku ku si txitxwi txilo madingano ni timhaka ta Dhaniyeli.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Matewu 27:66

Sekoko vona va to veka vawoneleti ha diyivani, ve tsanisa dirigwi ngu txixambanyo.

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

2 Pedro 3:8

Ku ni mhaka ya yimweyo mi si faneliko ku yi divala: Ditshiku da dimwedo masoni ka Mkoma di fana ni digumi da mazana a malembe, ani digumi da mazana a malembe ma fana ni ditshiku da dimwedo.

Masalmo 90:4

Kha ditshuri, digumi da mazana a malembe, kwako ma fana ni ditshiku da nyam'nova, di nga pinda; mwendo txikhatyana txa wusiku.

Mtuletelo 17:2

vafumeli va mafu va mahile wugango nado, se vaaki va ha mafuni va levile ngu vhinya ya wugelegele wa dona.”

Mtuletelo 13:14

Txona txa kanganyisa vaaki va ha mafuni, ngu mhaka ya sixamaliso si txi nga ningwa kumaha, madingano ni kuruma ka txikalani txo khata. Txona txi va kurumeta kumaha txithombe txo dhumisa txikalani txile, txi nga ti bhayilwe ngu ditxhari, aniko txi nga tshumela txi hanya.

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Marku 4:15

Ava va ku hafuhi ni nzila, ahawa dipswi di nga phaywa kona, ngu vale va ku, ngako va di di pfite, Sathani e kuluveta a txi ta kwawe, a ta va tekela dipswi di di nga phaywa timbiluni kwawe.

Luka 8:31

Se ona ma to mkombela ti to asi ma yisi diphalani ko mbi gwita.