Mtuletelo 2:5 - Bhiblia Yo Sawuleka

⁵ Ngu toneto, alakanya ahawa u nga wela kona, hunduluka u txi teka mahanyelo o khata. U si mahi eto, ni na ku tela se, ngako u si hunduluki ni nata thavisa txipande txako txa dikhanjela ha wukhaloni ka txona.

Mtuletelo 2:5 Referans Kwoze

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Mtuletelo 2:16

Ngu konaho, hunduluka. U si hunduluki, na kuluveta ni txi ku tela, ni ta lwa navo ngu ditxhari da txisofu txangu.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Mtuletelo 2:19

Na yi ziva mithumo yako, lirando lako, likholo lako, kukhutala kwako, kutimisela kwako, mithumo yako yo gwitisa yi tate ngutu kupinda yo khata.

Mtuletelo 1:20

Ngu mhaka ya msisalo wa mtxhanu wa tinyeleti ni timbidi, u nga ti wona ka dianza dangu da txinene ni mtxhanu wa sipande ni simbidi, sa nzalama, eto ti womba tiya: Tinyeleti ta mtxhanu ni timbidi, ndingelozi ta mabanza a mtxhanu ni mambidi, ani mtxhanu wa sipande ni simbidi i mabanza a mtxhanu ni mambidi.

Ezekhiyele 20:43

Se koneyo mi na alakanya tinzila tanu ni sotshe simaho sanu, asi mi nga ti nyenyezisa ngu sona, kambe mi na ti nyenya mipune, ngu mhaka ya wotshe wubihi wule mi nga wu maha.

Luka 1:17

A na thangela masoni ka Mkoma ngu moya ni mtamo wo fana ni wa Elija; a na wuyisa timbilu ta vaveleki ti ta manana ni ta vanana vawe; a na wuyisa vaeyisi ka wuzivi wa valulami, kasiku e lulamisela Mkoma ngamu yi yi hanelako ene.”

Malakiya 4:6

Se a na hundulusa timbilu ta vatate ka vanana vawe, ni timbilu ta vanana ka vatate vawe; kasi ku ni si ti ni ta peka ditiko ngu txiruko.

Isaya 1:26

Se ni na kutshumetela valamuli vo fana ni vale va kale; ni madhota o fana ni ale o khata; sekoko, u na dhanwa ku u didhoropa do lulama, didhoropa do thembeka.

Luka 20:16

A nata, a ta dayela vadimi vale e ningela thembwe ya mivhinya ka vamwani.” Ngako vona va txi pfa tiya, va to kha vona: “Ti nga thuke ti maheka timhaketo.”

Marku 12:9

Nyamne wa thembwe a na maha txani kani? A nata a ta fuvisa vadimi, se thembwe ya mivhinya a na yi ningela ka vamwani.

Ezekhiyele 36:31

Sekoko mi na alakanya tinzila tanu to biha, ni simaho sanu si nga mbi va sa sinene; mi na ti laya ngu wubihi wanu, ni manyala a kona anu.

Mtuletelo 2:2

Na yi ziva mithumo yako, kukhatala kwako ni kutimisela kwako, na tiziva ti to khu sikoti kupfana ni vathu vo biha; u va xote u txi va tumbula ava va nga ti ti womba ku mbaprofeti, na i si nga vona, u va woni ti to mba makuhu.

Vagalatiya 5:4

Mi ti hambanisile ni Kristu anu mi lavako kumahwa valulami masoni ka Txizimu ngu mhaka ya Mlayo, mi wete kule ni kateko ya Txizimu.

Malakiya 3:4

Se miningelo ya ka Judha ni ya Jerusalema, yi na tsakisa Mkoma, kufana ni masiku a kale ni malembe o khata.

Isaya 14:12

U wisile kutxani ngu nzumani, awe nyeleti ya mixo, dihorana da wuronga! U rinzisilwe kutxani hahatshi, awe m'wisi wa matiko!

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Vahebheru 10:32

Kambe alakanyani makhato anu. Ka masiku oneyo msana ka kuva mi di woningilwe ngu Txizimu mi rwate sixaniso sa kulwa ko nemela ni kupandisa.

Hoseya 9:10

Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa.

Mtuletelo 16:9

Se vathu ve hya ngu kuhisa ka hombe, ve khata kuruketela ditina da Txizimu, txi txi ku ni mtamo txitimwi ka mitungu yiya. Kambe kha va hunduluka ve txi pfalisa.

Matewu 5:14

“Anu mi liwoningo ka ditiko. Kha di sikoti kusisala didhoropa di di ku txitimwi ka mmango.

Matewu 5:15

Hambi dilambu kha va di lumekeli ku di khubhunyewa ngu txirundu, aniko va di hayeka txitimwi ka phande, ti to di woninga votshe va va ku nyumbani.

Vafilipiya 2:15

kasiku mi va mi si nga ni txisolo na mi di basile, mi va vanana va Txizimu vo mbi na nzambwa, hagari ka liveleko lo soholoka, na li di xangile; mi fanete kuphatima hagari kwawe, nga malambu ha mafuni;

2 Pedro 3:17

Ngu toneto, anu vo randeka, ngako mi nga songolela ku tiziva, ti woneleni, kasiku mi si thuki nanu mi txi humiswa ka likholo lanu lo tsana, ngu kuxengwa ngu vathu vo biha va va si khataliko ngu txilo.