Mtuletelo 2:3 - Bhiblia Yo Sawuleka

³ U na ni kutimisela, nguko u tumete kuxaniseka ngu mhaka ya ditina dangu, aniko khwa rereka.

Mtuletelo 2:3 Referans Kwoze

Vahebheru 10:36

Kha ditshuri, mi fanete kuva ni kutimisela kasi ku mi txi maha kuranda ka Txizimu, mi mana asi txi nga mi thembisa sona.

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Vakolosa 1:11

mi txi mana kutsaniswa ngu mtamo wa hombe, madingano ni mtamo wa kupfaliswa ka txona, kasiku mi sikota kutimisela ta tinene ni kuhonisela ngu kutsaka;

Johani 15:21

Ngu toneto, va na mi maha totshe tiya, ngu mhaka ya ditina dangu, nguko kha va mu zivi awu a nga ni ruma.

1 Vakorinto 13:7

Lona la divalela totshe, la kholwa ka totshe, la rinzela totshe, la timisela totshe.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Vahebheru 6:15

Se Abrahamu, ngu kutimisela kwakwe, a to mana si a nga thembiswa sona.

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

1 Timoti 4:10

Nguko txivangelo txa kuthuma kwathu ni kulwa kwathu ngu ti to hi vekile kuthemba kwathu ka Txizimu txi txi hanyako, atxi i ku Muhanyisi wa votshe vathu, ngutu-ngutu avale va ku ni likholo.

2 Vatesalonika 3:13

Kambe anu, vanathu, mi nga karaleni ngu kumaha ta tinene.

2 Vakorinto 4:16

Ngu toneto, kha hi gumi mtamo. Hambi mmidi wathu ngu ha hanze wu txi maha wo onheka, kambe ngu mndani wu hinduka wu txi maha wa wuphya ditshiku ni ditshiku.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

Varoma 12:12

Tsakani kuthembani kwanu, mi txi timisela kuxanisekani; mi txi simama kukhongelani.

Varoma 8:25

Ngako hi txi verela atxi hi si txi woniko, hi txi verela ngu kutimisela.

Luka 14:27

Awu asi rwaliko txihambano txakwe, a txi ni londisa, kha sikoti kumaha mgondiswa wangu.

Masalmo 37:7

Themba Mkoma, u txi rinzela ene; u nga khatale ngu vale va humelelako wutomini kwawe, avale va humelelako ngu makungo awe o biha.

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

2 Pedro 1:6

mi txi tsanisa wuzivi ngu kutipimela, mi txi tsanisa kutipimela, ngu kuhonisela, mi txi tsanisa kuhonisela ngu wukhongeli,

1 Vatesalonika 1:3

Ha khumbula mithumo yanu ya likholo, kukhutala kwanu ka lirando, ni kutimisela kwanu ka txithembo txi mi ku natxo ka Mkoma wathu Jesu Kristu, masoni ka Txizimu, Tate wathu.

2 Vakorinto 11:23

Nzithumi sa Kristu kani? Ni wombisa wuphuphulu, ni txi khani: Ani na va pala ngutu. Na va pala ngu mithumo, ni seketwe sikhati sasingi mikorani, kupinda vona; ni kwapetwe ngutu ngu sisephu kupinda vona, sikhati sasingi ni manekile ni di ha phangoni ka kufa.

2 Vakorinto 5:9

Ngu toneto, mwendo hi hafuhi, mwendo hi kule nayo, ha ti karata ngu kumaha mithumo ya ku mtsakisa.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Luka 18:1

Jesu a engetile a txi mahela vagondiswa vakwe txifananiso, kasi kuwomba ti to ka laveka kukhongela yotshe mbimo, va si rereki:

Luka 8:15

Ati ti nga wela ha mafuni ka kunene, ngu va va nga engisa Dipswi ngu mbilu ya yinene ni yo lulama, ve di xayisa, ve veleka mihando ngu kutimisela.”

Vahebheru 13:13

Ngu toneto, ahi humeni hi ya m'hingeta hahanze ka ditenda hi txi rwala kuruketelwa kwakwe.

1 Timoti 5:17

Madhota awa ma tsimbitisako ta tinene mthumo wa wuthangeli, ma fanetwe ngu kutshungulwa kambidi, ngutu-ngutu aawa ma thumelako kutxhumayela dipswi ni kugondisa;

2 Vatesalonika 3:8

Hagari kwanu, kha ha hanyisa wukara, kambe kha ha dya sakudya sa m'thu mahala, aniko hi thumile wusiku ni mitshikari, ngu kukhutala ni kukarateka, kasiku hi si nemeti ni wammweyo kwanu.

2 Vatesalonika 3:5

Mkoma a na tsimbitise timbilu tanu a txi ti yisa ka lirando la Txizimu, ni kutimiselani ka Kristu.

1 Vatesalonika 2:9

Alakanyani, vanathu, mithumo yathu ni mikaralo yathu! Hi thumile wusiku ni mitshikari kufela ku hi si nemeti ni mmweyo wanu, mbimo yi hi nga ti txhumayela Evhangeli ya Txizimu hagari kwanu.

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Vafilipiya 2:16

mi humelelisa Dipswi da wutomi, eto ti nava i di kupfaliswa kwangu ka Ditshiku da Kristu, nguko ni na va ni sa tutuma ni kuthuma mahala.

Vagalatiya 6:2

Vhunanani kurwala mirwalo yanu, kasiku mi na sikota kuveketa Mlayo wa Kristu.

2 Vakorinto 10:15

Kha hi ti dhumisi ko pinda mpimo ka mthumo wa vamwani vathu, aniko ha themba ti to kukholwa kwanu ku di andile, athu hi na kuliswa hagari kwanu, kasiku mpimo wathu wu txi engetelwa,

2 Vakorinto 6:5

Ni mu ka kukwapwa, ni mu ku khotelwani, ni mu ka kulwiswani, ni mu kuthumiswani, ni mu kuwonelelani, ni mu kutitonani ka sakudya,

Varoma 16:12

Dingulani Trifena ni Trifosa, vavasikati va va thumelako ditinani ka Mkoma. Dingulani Persidha wu a randekako, awu nene a nga thuma ngutu ditinani ka Mkoma.

Luka 21:19

Ngu kutimisela kwanu, mi na hanyisa mimoya yanu.

Marku 15:21

Se ve mana m'thu wokari, Simoni wa Kirene, tate wa Alexandre ni Rufo, a nga txi pinda a txi wuya ngu thembweni; ve mu kurumeta kupakata txihambano txa Jesu.

Mika 7:9

Ni na xaniswa ngu kuhenya ka Mkoma, nguko ni mu onhete, kala kuza e lamula mhaka yangu, e ni mahela madingano angu, ene a na ni wuyisa kuwonekelani, se ani ni na wona kululama kwakwe.

Masalmo 69:7

Ngu mhaka ya lirando ni nawe ni zumba ngu kuruketelwa; khohe yangu ya thelwa tingana.

1 Vatesalonika 5:12

Ha mi kombela, vanathu, ti to mi txi vekela txithavo avale va mi khutalelako ngu mikaralo hagari kwanu, na i di vahombe vanu ni vathangeli vanu ngu ka Mkoma.

1 Vakorinto 16:16

Ti ningeteleni na nanu ka vathu vo nga toneto ni ka votshe va va thumako ni kuxaniseka navo.

Luka 5:5

Simoni a to angula a txi khene: “M'gondisi, hi thumile wotshe wusiku, kambe kha ha mana txilo; aniko ngako u rumako, ni na rinza tikoka.”