Mtuletelo 2:26 - Bhiblia Yo Sawuleka

²⁶ Ka wule a xulako, ka wule a no veketa mithumo yangu kala magwito, ni na mninga mtamo wa kufuma matiko,

Mtuletelo 2:26 Referans Kwoze

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Dhaniyeli 7:27

Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Masalmo 2:8

Ni kombele ni na kuninga mifumo yi txi va i di thomba yako mafu otshe ma na lumba awe.

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

1 Johani 5:5

I mani a xulako ditiko hahanze ka wule a kholwako ti to Jesu Mwana wa Txizimu kani?

Johani 6:29

Jesu a to angula kwawe a txi khene: “Mthumo wa Txizimu ngu wuwa: Kholwani ka wule Txizimu txi nga mruma.”

Matewu 24:13

Aniko awule a no zumba a di tsani kala magwito, a na hanyiswa.

Dhaniyeli 7:22

Kala kuza di txita didhota da kale, se ku txi ta ningelwa wulamulo ka vasawuleki va Nyatxitimwi; kambe ku to hoka mbimo yi vasawuleki va nga amukela mfumo.

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

1 Johani 3:23

Txirumo txa Txizimu ngu txiya: Kukholwa ka ditina da Mwanana wa txona Jesu Kristu, ni kurandana nga ti a nga hi rumisa tona.

Jakobe 2:20

Awe m'thu wa txipumbu, wa ti lava kuwona ti to likholo li li ku si nga ni mithumo kha li vhuni txilo, kani?

Varoma 8:37

Aniko ka sotshelele siya, ha xula ka kupindisa ngu mtamo wa wule a nga hi randa.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Dhaniyeli 7:18

Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Mtuletelo 21:7

Awu a no xula a na amukela thomba yiya, se ani ni na va Txizimu txakwe, ene a na va mwanana wangu.

Vahebheru 3:6

Aniko Kristu, a thembekile kota Mwanana, nyumbani ka txona Txizimu. Se Nyumba ya Txizimu ngu ngathu, ngako hi txi vekisa kutsana ko hetiseka ni kuthemba ko tsakisa.

Matewu 19:28

Jesu a to xamula a txi khene: “Kha ditshuri na mi gela ku khani: Ka mbimo ya kuwusetwa ka wuphya wa sotshe, ditshiku diya Mwanana wa M'thu a nota khalahatsha ha txikhaloni kwakwe ka wukoma wa kupfaliswa, na nanu, mi nga ni londisa, mi nata khalahatsha ka digumi da sikhalo sa wukoma ni simbidi, mi txi lamula tihunzu ta digumi ni timbidi ta ka Israyeli.

Masalmo 49:14

Va siketwe kufa kufana ni tinvuta, se lifo li na maha m'dyisi wawe; va na mitwa ngu lifo kufana ni sihari; mtamo wawe wu na mitwa wu txi txakutelwa ngu dithuna.

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

1 Vatesalonika 3:5

Ngu toneto, ani ngu ku ambi sikota kuhonisela, ni mrumete kasiku ene e ta ziva ti mi hanyisako tona mu ka likholo, kasi kuwona ti to mwendo kha ma dukwa ngu mduki, ni ti to mwendo hi nga va hi di luzile mbimo yathu.

Masalmo 2:9

U na va bhandisa ngu ndonga ya simbi, u txi va fayetela kufana ni khadi ya mraka.”

Matewu 10:22

Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.