Mtuletelo 2:23 - Bhiblia Yo Sawuleka

²³ Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Mtuletelo 2:23 Referans Kwoze

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.

Varoma 8:27

Se awule i ku ene a zivako ta mbiluni ka m'thu, wa yi ziva minavelo ya Moya, nguko wona wu kombelela vasawuleki ka tiya ti tsimbilako ngu nzila ya kuranda ka Txizimu.

Mithumo 1:24

Se ve khongela, va txi kha vona: “Mkoma, awe u zivako timbilu ta votshe, kombisa awu u nga mu sawula ka va va vambidi,

1 Pedro 1:17

Ngako mi m'dhanako tito, “Tata,” ene wule a lamulako m'thu ni m'thu madingano ni mithumo yakwe, hanyani ngu txithavo yotshe mbimo ya kuhanya kwanu.

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Jeremiya 20:12

Aniko, Mkoma wa Mabutho a Tiyimbi, awe u xolako va vo lulama; awe u wonako mapimo awe ni timbilu. Ni na wona ngako u txi ni pharelela ka vona, nguko ni kuzivisile mhaka yangu.

Masalmo 62:12

Ni wona wunene mbwako, Mkoma u hakelako m'thu, madingano ni mithumo yakwe.

Masalmo 44:21

ina Txizimu kha txi na mbi tiziva tona eto kani? Nguko txona txa ziva txihunja txa mbilu yathu.

2 Makronika 6:30

va engise u di nzumani, ka txikhalo txi u zumbako ka txona, divalela, ninga ka mmweyo ni mmweyo madingano ni mahanyelo akwe, ni ti u wonisako tona mbilu yakwe, nguko ngawe wekha u zivako timbilu ta vanana va vathu.

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

Masalmo 26:2

Ni xolisise, Mkoma, u txi ni duka; xolisisa minavelo yangu ni mialakanyo yangu.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Varoma 14:12

Ngu toneto, mmweyo ni mmweyo wathu a na ya ti xamulela masoni ka Txizimu.

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Dhewuteronome 19:20

Kasi ku vamwani ngako va txi tiengisa, va na thava, va si swi va txi maha kubiha ko nga koneko hagari kwanu.

Dhewuteronome 17:13

se votshe vathu va na tiengisa va txi thava, va si ngadi va txi ti kulisa kambe.”

Dhewuteronome 13:11

Kasi ku votshe va ka Israyeli ve tiengisa, ve thava, ni ti to va siswi ve maha to biha, to nga toneto hagari kwanu.

Mtuletelo 6:8

Ni to wona ku txi humelela dihantxhi do kwalala. Mgadhi wa dona a ti dhanwa ku i “Kufa,” se a ti londetelwa ngu Gehena. A ningilwe mtamo wa kufuma didhawa da wumune da mafu, kasiku e daya vathu ngu ditxhari, ni nzala, ni ntungu ni sihari sa txitinga.

Dhewuteronome 21:21

Sekoko vavamna votshe va didhoropa va na m'balisela ngu marigwi kala a txi fa. Ngu kumaha keto, u na heta wubihi hagari kwako, se votshe va ka Israyeli, ngako va txi tiengisa va na thava.

Vagalatiya 6:5

nguko m'thu ni m'thu a na rwala thundu yakwe.

Zefaniya 1:11

Pekani huwa anu vaaki va Makitesi, nguko votshe vathu Vakanana va gumile, votshe vanyatimale va hoxotilwe.

Masalmo 139:1

Mkoma, awe u ni xolisisile, se awe wa ni ziva.

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Mtuletelo 20:13

Linene li to tshumeta vafi va va nga ti ka lona. Lifo ni Hadhesi si to ningela vafi va va nga ti ka sona, se mmwani ni mmwani a to lamulwa mandingano ni mithumo yakwe.

Mtuletelo 22:12

Wonani, ani nata konkuwa, kambe ni nata ni hakhelo: Ni na ta ninga mmwani ni mmwani madingano ni mithumo yakwe.

1 Makronika 17:18

A na womba txani kambe Dhavhidha, madingano ngu wotshe wudhumo wu u nga ninga txithumi txako kani? Kambe awe wa txi ziva kha kwati txithumi txako.

Jobe 24:23

Ngako Txizimu txi txi va ninga kuhumula, va omelela ka toneto; sekoko maso awe ma tinzilani kwawe.

Johani 4:16

Jesu a txi khene kwakwe: “Tsula u txi ya dhana mwamna wako, u tshumela u wuya.”