Mtuletelo 2:21 - Bhiblia Yo Sawuleka

²¹ Ni mu sikete masiku, kasi ku e hunduluka. Aniko ene kha ti lavi kuhunduluka ka wugelegele wakwe.

Mtuletelo 2:21 Referans Kwoze

2 Pedro 3:9

Mkoma kha sweli kumaha sithembiso sakwe, nga ti vamwani va alakanyako ti to wa swela, kasi ene ana ni kutimisela ngu nganu. Kha ti lavi ti to ni wammweyo a txi lova, aniko a lava ti to votshe ve hunduluka.

Mtuletelo 16:11

Se ve ruketela Txizimu txa nzumani ngu mhaka ya kupandiseka kwawe ni silonda sawe. Aniko kha va hunduluka ka mahanyelo awe.

Mtuletelo 16:9

Se vathu ve hya ngu kuhisa ka hombe, ve khata kuruketela ditina da Txizimu, txi txi ku ni mtamo txitimwi ka mitungu yiya. Kambe kha va hunduluka ve txi pfalisa.

2 Pedro 3:15

Pimani ti to kuhonisela ka Mkoma wathu ngu kona kuhanyiswa kwanu! Ngu toneto, nene mwanathu wo randeka, Paulo, a mi bhalete ngu yona nzila yiya, madingano ni wuzivi wu a nga ningwa.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Varoma 9:22

Hi na khathu txani ngako Txizimu txi txi lava kukombisa kuhenya ka txona ni kuzivisa mtamo wa txona? Txizimu txi vile ni kutimisela ngutu ka vale va nga ti fanela kuhenyelwa ngu txona, avale va nga ti lulamisetwe kufuviswa.