Mtuletelo 19:8 - Bhiblia Yo Sawuleka

⁸ Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Mtuletelo 19:8 Referans Kwoze

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

Marku 9:3

Tinguwo takwe ti hinduka ti txi phatima, ti txi basa ngutu, ti to kha nga ho ha ditikoni awu a sikotako ku ti kuwula, ti txi basisa ku nga toneto.

Matewu 22:12

A txi khene kwakwe: ‘Mndoni, u wulelisite kutxani ahawa, u sa ambala nguwo ya mtxhadho kani?’ Ene a so walo kaye.

Masalmo 132:9

Vaphaxeli vako va na ambale wululamo, kambe vasawuleki vako va na tsake!

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Ezekhiyele 16:10

Kambe ni ku ambekile ngu sa ku lukwa, ni ambeka mikondo yako ngu didhowo da ditxalo, ni txi ku phutela ngu masilika, ni ku ku fenengeta ngu disedha.

Mithumo 1:10

Na va di ngadi va txi wonetela nzumani, mbimo yi ene a nga txi tsula, konaho ku to humelela majaha mambidi, ma nga ti ambate tinguwo to basa,

Luka 24:4

Se, va di ngadi va txi xamala ngu tona, hingani wona: Vavamna va vambidi va to humelela kwawe, va di ni tinguwo to phatima.

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Matewu 17:2

Se konaho a to phinduka masoni kwawe: Khohe yakwe yi phatima kufana ni ditambo, ni tinguwo takwe ti hinduka ti txi basa kufana ni liwoningo.

Mavingu 31:22

Wa ti vekela so ateta hahatshi; a ambala sa masedha o hehuka, ni sa txiwunguwungu.

Ezekhiyele 44:17

Se mbimo yi va no wulela ngu sike sa mtendela wa mndani, va ambala syambalo sa linyu; kambe kha ku na mbi sanzekwa sa matoya txitimwi kwawe, mbimo yi va no thuma sikenini, ka mtendela wa mndani, mndani ka nyumba.

Mtuletelo 15:6

Se ku txi huma mndani ka dona mtxhanu wa tingelozi ni timbidi ti nga ti ni mtxhanu wa mitungu ni yimbidi. Ti ti ambate tinguwo ta linya ya lisima, yo khetima, ti di sungile tibhande ta nzalama ha khana ka tona.

Mtuletelo 19:14

Sikwata sa masotxhwa a nzumani sa mu londetela, si di gadhile mahantxhi o basa, va di ambate syambalo sa linya yo basa ya lisima.

Isaya 3:23

sibuko, ni mahembe a linyu yo hehuka, ni mafadhuko, ni masilika.