Mtuletelo 19:5 - Bhiblia Yo Sawuleka

⁵ Konako, ku to huma dipswi di txi ta ngu ha txikhaloni ka wukoma, di txi: “Dhumisani Txizimu txathu, anu motshenu sithumi sa txona, ni nanu mi txi thavako vavadotho ni vahombe!”

Mtuletelo 19:5 Referans Kwoze

Masalmo 134:1

Bongani Mkoma, motshenu sithumi sa Mkoma, motshenu mi ku nyumbani kwakwe ko sawuleka, wotshe wusiku!

Masalmo 150:6

Sotshe sivangwa so hanya si na dhumise Mkoma! Dhumisani Mkoma!

Masalmo 135:1

Dhumisani Mkoma! Dhumisani ditina da Mkoma; di dhumiseni, anu sithumi sa Mkoma,

Mtuletelo 7:15

Ngu toneto, va maneka masoni ka txikhalo txa wukoma txa Txizimu, va txi txi khozela wusiku ni mitshikari, Dithepeleni ka txona. Awule a nga khalahatsha ha txikhaloni ka wukoma a na va fenengeta ngu ditenda dakwe.

Masalmo 22:23

“Anu mi thavako Mkoma, m'dhumiseni! Li na m'dhumise lotshe liveleko la Jakobe! Li na mxoniphe lotshe liveleko la Israyeli!

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

Mtuletelo 16:17

Ngelozi ya wutxhanu ni timbidi yi to theketa digombe da yona ha mpfhukani: Konako ku to huma dipswi da hombe ngu Dithepeleni, di txi kha dona: “Ti mahekile.”

Masalmo 115:13

a na katekisa vale va kholwako ka Mkoma, vavadotho ni vahombe.

Mtuletelo 13:16

Txi maha kambe ti to votshe vathu, vavadotho ni vahombe, vanyatithombe ni sisiwana, vathuseki ni tikhumbi ve vekwa txixambanyo amu ka dianza da txinene mwendo ha mbanza.

Mtuletelo 19:18

Mi ta dya nyama ya vafumeli, nyama ya tinduna, nyama ya va nyamitamo, nyama ya mahantxhi ni ya vagadhi va ona, nyama ya votshe vathu, vathuseki ni tikhumbi, vavadotho ni vahombe.”