Mtuletelo 19:3 - Bhiblia Yo Sawuleka

³ Ve engeta va txi kha vona: “Haleluya!” Ngu ka dona digelegele diya wutshi wu na tuvika ngu hawa ku si gumiko.

Mtuletelo 19:3 Referans Kwoze

Isaya 34:10

Hambi ni wusiku mwendo ni mitshikari kha wu na mbi timeka; wutshi wa kona wu na kwelela yotshe mbimo; wu na omiswa ka liveleko ni liveleko, kambe ka dizana ni dizana kha ku na mbi pinda m'thu ni wammweyo ngu kona.

Mtuletelo 18:18

Se ngu kuwona wutshi wa kuhya kwakwe, va ti kwangula, va txi kha vona: “Ngu dihi didhoropa di di fananiswako ni Didhoropa da Hombe kani?”

Mtuletelo 18:9

Se vafumeli va mafu, va nga txi geleza nayo awule wamsikati ve ti tsakisa kumweko nayo, va na dila, ve peka tikhana, mbimo yi va no wona wutshi wa kuhiswa kwakwe.

Mtuletelo 14:11

Wutshi wa kuxaniseka kwakwe wu na tuvika ngu hawa ku si gumiko: Ava va khozelako Txikalani ni txithombe txa txona, ni wuhi ni wuhi a amukelako txixambanyo txa ditina da txona, txima kha nga ni kuhumula, wusiku ni mitshikari.”

Mtuletelo 19:1

Msana keto, ni to engisa txo nga diguwa da dibutho da hombe da vathu, di txi huwelela, di txi kha dona: “Haleluya! Kuhanyisa ni wudhumo ni mtamo si lumba Txizimu txathu.

Genesisi 19:28

Se a to wona Sodhoma ni Gomora ni lotshe libala, a txi wona wutshi wu txi tuvika wu txi guleka ngu ha mafuni, nga wutshi wa txikho txa hombe.

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

Masalmo 104:35

Sigohi si na loviswe ha mafuni! Vabihi va na mwalale. Ni lava kudhumisa Mkoma ngu wotshe moya wangu! Dhumisani Mkoma.

Mtuletelo 19:4

Se madhota a magumi mambidi ni mune, ni sivangwa sa mune so hanya, si to khizama masoni ka Txizimu, txi nga khalahatsha ha txikhaloni ka wukoma, si txi khozela si txi kha sona: “Amen! Haleluya!”