Biblia Todo Logo
Bib sou entènèt

- Piblisite -




Mtuletelo 19:20 - Bhiblia Yo Sawuleka

20 Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Gade chapit la Kopi




Mtuletelo 19:20
30 Referans Kwoze  

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.


Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”


eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.


Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.


“Titxheho tile ta digumi u nga ti wona digumi da vafumeli va sinziko kuamukela mfumo. Kambe vona va na amukela wukoma kota vafumeli txipimo txa txikhati tximwetxo dwe, kumweko ni txikalani.


se dotshe ditiko di hyite ngu txivavula ni mnyu, kha di na mbiswa di txi phawa txilo, kha di na mbiswa di txi mila txilo, hambi ni mwasi kha wu na mbiswa wu txi mila, ku nga kuloviswa ka Sodhoma ni Gomora, Adhimi ni Zebhoyimi, madhoropa ale Mkoma a nga ma lovisa ngu kuhenya kwakwe ni txiviti txakwe;”


Sekoko Mkoma a to wisa txivavula ni mndilo txitimwi ka didhoropa da Sodhoma ni da Gomora, si txi ta ngu nzumani, ka Mkoma Txizimu.


Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.


Se mtamo wakwe wu na tsana, na i si nga ngu mtamo wakwe apune; kambe a na haxula ngu kuxamalisa, e bhindula e maha kuranda kwakwe; a na lovisa tindena ni ditiko do sawuleka.


Se ni na mlwisa ngu mitungu ni kutheketa mnoha; ni na wisa mati a ndambi, ni marigwi a hombe a maralala, mndilo ni txivavula ni na si wisa txitimwi kwakwe, ni txitimwi ka masotxhwa akwe, ni ka votshe vathu votala va no maneka va di ni nene.


Se sinambwana sakwe si na hinduka si maha mraka, ni lithulu lakwe li na maha txivavula, se mafu akwe ma na maha mraka wo tura.


Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.


Se ni to wona txikalani txi di tshangani kumweko ni vafumeli va ha mafuni, ni sikwata sawe sa masotxhwa, kasi kutalwa ni m'gadhi wa dihantxhi ni mtxawa wakwe wa masotxhwa.


A na gwimba matenda akwe a wukoma hagari ka Linene la hombe, ka mmango wo sawuleka wo tshura ngutu, kambe a naya gwitelwa, kupwateka ni wo m'vhuna.


Ditendani kwakwe a na ya zumba wule i nga ti si nga ene; ku na xwayelwa txivavula txitimwi ka nyumba yakwe.


Se txiwoniso txa mixo ni txa minova, txile txi nga wombwa, nja ditshuri; awe koko, lema txiwoniso, nguko msana ka masiku amangi txi na hetiseka.


“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.


Amu ka txiwoniso txangu, ntengo wa mahantxhi ni vagadhi va ona, ni si wonisile tiya: Va ti ambate sikatawu so vhika ngu sona, so bhilivila nga mndilo, ni nkuxe nga jakinta ni halandi nga txivavula, misungo ya mahantxhi yi ti fana ni ya tingonyamo, se ngu mkanani ka ona ku txi huma mndilo ni wutshi ni txivavula.


Aniko, va to ñola mfumeli wa Ayi a txi hanya, va txi mtisa ka Joxuwa.


Ñola txifuyo txatxinene ka mtxhambi, hisa marambu a kona hahatshi ka khadi; yi halise kha kwati, kambe ma na vitwe kha kwati marambu ale.


Swiv nou:

Piblisite


Piblisite