Mtuletelo 19:18 - Bhiblia Yo Sawuleka

¹⁸ Mi ta dya nyama ya vafumeli, nyama ya tinduna, nyama ya va nyamitamo, nyama ya mahantxhi ni ya vagadhi va ona, nyama ya votshe vathu, vathuseki ni tikhumbi, vavadotho ni vahombe.”

Mtuletelo 19:18 Referans Kwoze

Mtuletelo 6:15

Vafumi va mafu, ni tinduna, ni vathangeli va tiyimbi, ni vanyatithombe, ni vathu va mtamo, ni votshe tikhumbi ni vathuseki, va to tumbela maphalani ni hahatshi ka marigwi mimangoni.

Jeremiya 34:20

Ni na va ningela manzani ka valala vawe, ni manzani kava va va xuvelako kufa, sirumbi sawe si na dyiwa ngu sinyana sa nzuma ni sibanda sa mafu.

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 7:33

Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

1 Samuwele 17:46

Kona nyamsi Mkoma a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

1 Samuwele 17:44

A to khene kambe Mufilista ka Dhavhidha: Ngono kwangu! Ni na ningela nyama yako ka sinyana sa nzumani ni ka sihari sa txitinga.

Dhewuteronome 28:26

txirumbi txako txi na va i di sakudya ka sinyana sa nzuma, ni sa sihari sa mafu; eho kha ku na mbi va ni wammweyo wa ku si dinda.

Mtuletelo 13:16

Txi maha kambe ti to votshe vathu, vavadotho ni vahombe, vanyatithombe ni sisiwana, vathuseki ni tikhumbi ve vekwa txixambanyo amu ka dianza da txinene mwendo ha mbanza.

Luka 17:37

Se va to mu wotisa va txi kha vona: “Mkoma ti na mahekela hani, kani?” A txi khene kwawe: “Ahawa txirumbi txi ku kona, ngu konaho sinyana sa makoti si no sengeletana kona.”

Matewu 24:28

Ahawa ku no va ni txirumbi, sinyana sa makoti ni sona si na ya tshanganela koneho.”

Ezekhiyele 29:5

Se ni na ya kuleka txiwulani, awe ni sotshe sihaka sa minamboni kwako; u na wa ha mafuni, khu na mbi rolelwa hambi kusengeletwa; u na dyiwa ngu sihari sa ha mafuni ni sinyana sa nzuma.

Ezekhiyele 39:17

Awe koko, mwanana wa m'thu, Mkoma a khene: Gela sinyana sa totshe tixaka, ni sotshe sihari sa txitinga, u txi khawe: Patanani mi txi ta, mi txi ta ngu ka otshe madhawa, mi ta ka mphaxo wangu, ni phaxako ngu mhaka yanu, mphaxo wa hombe mimangoni ka Israyeli, mi txi dya nyama ni kusela mnoha.

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

Mtuletelo 17:16

Titxheho ti ta digumi u nga ti wona kumweko ni txikalani, si na vengela wu wa digelegele, si na mtshambula tinguwo, si mu leka i di tximbwiri; si na dya nyama yakwe, si mu hisa ngu mndilo,

Mtuletelo 19:5

Konako, ku to huma dipswi di txi ta ngu ha txikhaloni ka wukoma, di txi: “Dhumisani Txizimu txathu, anu motshenu sithumi sa txona, ni nanu mi txi thavako vavadotho ni vahombe!”