Mtuletelo 19:16 - Bhiblia Yo Sawuleka

¹⁶ Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Mtuletelo 19:16 Referans Kwoze

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

1 Timoti 6:15

akuwa ku nota kombisa, ka timbimo ti ti nga emiswa, ene nyamne wo dhumiseka ni wammweyo ekha, Mfumeli wa vafumeli, Mkoma wa vakoma;

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Masalmo 72:11

Vafumeli votshe va na ti namisa masoni kwakwe; yotshe mifumo yi na mthumela!

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Masalmo 89:27

“Ani ni na mninga tifanelo ta mwanana wa matiwula; a na fuma txitimwi ka vafumeli va ditiko.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Masalmo 136:3

Dhumisani Mkoma wa vakoma; nguko lirando lakwe nda kala kupinduka!