Mtuletelo 19:14 - Bhiblia Yo Sawuleka

¹⁴ Sikwata sa masotxhwa a nzumani sa mu londetela, si di gadhile mahantxhi o basa, va di ambate syambalo sa linya yo basa ya lisima.

Mtuletelo 19:14 Referans Kwoze

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Judha 1:14

Enoki, i ku wa wutxhanu ni vambidi kukhukhela ka Adhamu, a profetile ngu vona vava, a txi khene: “Wonani, Mkoma wata kumweko ni mabutho akwe o sawuleka, a mazanazana,

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Matewu 28:3

Khohe ya yona yi ti khetima nga kukeluka ka nzuma, se tinguwo ta yona ti ti basile kufana ni hunguva.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

Mtuletelo 3:4

Kambe, didhoropani ka Sardhisi, u na ni vathu vavadotho va va nga mbi nyeta syambalo sawe, vona va na tsimbila ni nani, va di ambate tinguwo to basa, nguko va ni fanelo yeto.

Zakariya 14:5

Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.

Mtuletelo 14:20

Mauvha ma to ya sukwa nzekani yi nga ti hahanze ka didhoropa, se ngu ka yona nzeka yile ku to huma mnoha, awu ngu kutala ka wona wu nga hokela matomu a mahantxhi, wu txi hangalakisa toneto ka mnava wa mazana mararu a makilometru.

Mtuletelo 14:1

Se ni to wona tiya: Txinvutana txi ti emile txitimwi ka mmango wa Siyoni, kumweko ni 144.000 wa vathu, avava va nga ti bhatwe ha mbanza ditina da Txinvutana, ni da Tate wa txona.

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,

Matewu 26:53

Ina u pimisa ti to ni nga tandeka kukombela ka Tate wangu e ni rumela kunukunukuwa mitxawa ya tingelozi, ya kupinda digumi ni yimbidi kani?

Masalmo 68:17

Sikotxikani sa Txizimu magumi mambidi a ma 1.000 a ma 1.000 ni ma 1.000; Mkoma a tile ngu Sinayi a txi ta wukhaloni ko sawuleka.

Mavingu 31:22

Wa ti vekela so ateta hahatshi; a ambala sa masedha o hehuka, ni sa txiwunguwungu.

Matewu 21:5

“Gelani dihorana da Siyoni, mi txi khanu: Ndiyo wata Mkoma wako wa kuthutha, a di gadhile mbongola, yi ku ni tximbongolana, txi i ku mwanana wa yona.”

Isaya 3:23

sibuko, ni mahembe a linyu yo hehuka, ni mafadhuko, ni masilika.