Mtuletelo 19:12 - Bhiblia Yo Sawuleka

¹² Maso akwe dituro da mndilo, ha msungo kwakwe ku na ni mibhoti yayingi, kubhatwe ditina di di si ziwiko ngu mmwani m'thu hahanze kwakwe,

Mtuletelo 19:12 Referans Kwoze

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Luka 10:22

Sotshe ni ningilwe ngu Tate; se kha nga ho wu a zivako ku Mwanana i mani hahanze ka Tate ekha, ni ku Tate i mani, hahanze ka Mwanana ekha, ni wule ene Mwanana a lavako ku mu wonekisa kwakwe.”

Mtuletelo 1:14

Misisi ya msungo wakwe i ti yo basa kufana ni matoya o basa a tinvuta, mwendo ku nga hunguva; maso akwe ma ti ti fana ni dituro da mndilo.

Matewu 11:27

Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Vahebheru 2:9

Jesu wu a nga vekwa hahatshi ka tingelozi ngu txikhatinyana txa txidotho, ha mu wona na a di vekilwe m'bhoti wa kupfaliswa ni kudhumiswa, ngu mhaka ya sixaniso sa lifo. Kunene, ene ngu mtamo wa kateko ya Txizimu, a dukile lifo, kasiku a txi hanyisa votshe vathu.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Masalmo 8:5

Hambi ti di halo, u mmahile a txi nga ova Txizimu u mningile m'bhoti wa wudhumo ni lisima.

Mtuletelo 12:3

Ngu msana ku to woneka tximwani txidiwukiso nzumani: Mwamilambo wa hombe ngutu, wo bhilivila a di ni mtxhanu wa misungo ni mimbidi, ni digumi da titxheho, se misungo yi ti ni mibhoti yotshelele.

Zakariya 9:16

Se Mkoma, Txizimu txawe, ka ditshiku donedo, a na va hanyisa, kufana ni mtxhambi wa vathu vakwe; nga marigwi a m'bhoti, va na guletwa ditikoni kwawe.

Valamuli 13:18

Se Ngelozi ya Mkoma yi to mxamula ku kha yona: “Ngu kutxani u wotisako ditina dangu, na kuve da yila ku di womba kani?”

Eksodha 23:21

Yi xoniphe masoni kwako, u txi engisa dipswi da yona, u nga yi eyise, nguko kha yi na mbi divalela sihoxo sanu, kambe yona yi na womba ngu ditina dangu.

Genesisi 32:29

Jakobe a muwotisile, a txi khene: “Na ku kombela ni gele ditina dako.” Aniko ene a to mxamula, a txi khene: “Ngu kutxani u txi ni wotisa ditina dangu kani?” Se a to mkatekisa kona hale.

Mtuletelo 6:2

Se konako ni to wona dihantxhi do basa, mgadhi wa dona a di ni wulaho. Va mu ningile m'bhoti, se e huma, nga ndena, yi yi yako kuxulani.

Isaya 62:3

Kambe u na va m'bhoti wo dhumiseka manzani ka Mkoma, ni txigoko txa wukoma manzani ka Txizimu txako.

Mtuletelo 13:1

Konako, ni to wona txikalani txi nga pfukula ngu lineneni, txi di ni digumi da titxheho ni mtxhanu wa misungo ni mimbidi. Txitimwi ka titxheho ku ti ni digumi da mibhoti, se txitimwi ka misungo, ku ti ni ditina do ruketela Txizimu.

Matewu 21:5

“Gelani dihorana da Siyoni, mi txi khanu: Ndiyo wata Mkoma wako wa kuthutha, a di gadhile mbongola, yi ku ni tximbongolana, txi i ku mwanana wa yona.”

Ndando ya Tindando 3:11

Anu vanana vamahorana a Siyoni, humani mi ya wona mfumeli Solomoni, ni m'bhoti wu a nga ambekwa ngu mwamwakwe, ditshiku dile a nga ya lowola ngu dona, ngu ditshiku da kutsaka ka hombe ka mbilu yakwe.

Mavingu 30:4

I mani a nga nga kwela nzumani, e gwita e txhika kani? I mani a nga nga fumbareta moya ngu manza kani? I mani a nga nga phutela mati amu ka simaha kani? I mani a nga nga veka mihingano ya mafu kani? I mani ditina dakwe, ni ditina da mwanana wakwe, mwendo wa di ziva kani?

Dhaniyeli 10:6

Aniko mmidi wakwe wu ti fana ni turikeza, se khohe yakwe yi ti ti phatima kufana ni kukeluka, ni maso akwe ma ti ti fana ni sisase sa mndilo, se mawoko akwe ni mikondo yakwe si ti ti ni mxowo wo fana ni suku yo vatwa; ni dipswi da kuwombawomba kwakwe di ti fana ni dipswi da vathu votala ngutu.

Johani 17:11

Ani kha ni nga ngadi ha ditikoni, kambe vona va ngadi sate ha ditikoni, se ani ni ta kwako. Tate wa kusawuleka, va xayise ditinani kwako, ava u nga ni ninga, kasiku va na maha mmweyo, nga athu hi ku mmweyo.

Johani 17:12

Ni di ngadi navo ha mafuni, ni ti va xayisa ditinani kwako. Ni va xayisile ava u nga ni ninga; se kha ku nga ho ni wammweyo a nga lova, i si nga ene mwanana wa kulova, kufela ku Mibhalo yi tatiseka.

Vaefesu 1:21

txitimwi ka votshe va va nga ningwa kufuma ni mtamo ni wuhombe ni wukoma, ni txitimwi ka otshe matina awa ma khumbukwako ka txikhati txa nyamsi ni txa mbimo yi yi tako.