Mtuletelo 19:11 - Bhiblia Yo Sawuleka

¹¹ Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Mtuletelo 19:11 Referans Kwoze

Masalmo 96:13

tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.

Mtuletelo 6:2

Se konako ni to wona dihantxhi do basa, mgadhi wa dona a di ni wulaho. Va mu ningile m'bhoti, se e huma, nga ndena, yi yi yako kuxulani.

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.

Mtuletelo 3:14

Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.

Masalmo 50:6

Hambi tinzuma ti na huwelela ti to Mkoma a lulamile, nguko Txizimu ngu txona txi lamulako.

Jeremiya 33:15

Keyo masiku ni ka yoneyo mbimo ni na wusela Dhavhidha mpuka wo lulama; ene a na lamula ngu nongameto ni wululamo amu ditikoni.

Isaya 32:1

Mfumeli a na fuma ngu kululama, se vathangeli va na fuma madingano ni wulamuli.

Mtuletelo 4:1

Msana keto, ni to wona txiwoniso: Ditimba di nga ti tutwe nzumani, se dipswi do khata di ni nga ti di engisile, do tuma ku nga mpundu, di txi kha dona: “Kwela u txi ta hawa, kasiku ni ta kukomba ati ti no maheka msana ka tiya.”

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Zakariya 1:8

Ni wusiku ni woni wamwamna a di gadhile dihantxhi do bhilivila, di di emile hagari ka mindonga ya mimurta, yi nga ti ti ka mkova wa hombe; se msana kwakwe ku ti ti ni mahantxhi o bhilivila, ni o bhilivilisa kunzihala, ni o basa.

Eksodha 15:3

Mkoma ngene i ku ndena ya kulwa; ditina dakwe ngene Mkoma.

Johani 1:51

A to engeta a txi khene: “Ngu ditshuri, ngu ditshuri, na mi gela ku khani: Kukhukhela konkuwa, mi na wona nzuma yi di tulekile, ni tingelozi ta Txizimu na ti txi kwela, ti va ti txhika txitimwi ka Mwanana wa M'thu.”

Mtuletelo 19:19

Se ni to wona txikalani txi di tshangani kumweko ni vafumeli va ha mafuni, ni sikwata sawe sa masotxhwa, kasi kutalwa ni m'gadhi wa dihantxhi ni mtxawa wakwe wa masotxhwa.

Mtuletelo 19:21

Vamwani va to dawa ngu ditxhari di nga txi huma ngu mkanani ka m'gadhi wa dihantxhi. Se sotshe sinyana si khura ngu nyama yawe.