Mtuletelo 19:10 - Bhiblia Yo Sawuleka

¹⁰ Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Mtuletelo 19:10 Referans Kwoze

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Mtuletelo 4:10

madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona:

Mtuletelo 12:17

Mwamilambo a di tate ngu txiviti ngu mhaka ya wamsikati, a to tsula a txi yalwa ni va va nga ti sate va liveleko lakwe, ava va veketako sirumo sa Txizimu, ve xayisa wufakazi wa Jesu.

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

1 Johani 5:10

Awu a kholwako ka Mwanana wa Txizimu, wufakazi wu kwakwe. Awu asi kholwiko ka Txizimu txi maha Txizimu txa makuhu, nguko kha kholwi ka wufakazi wu txi nga mahela Mwanana wa txona.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Eksodha 34:14

Khu na mbi khozela simwani sizimu, nguko Mkoma a dhanwa ku mbwa txiluse, i Txizimu txa txiluse.

Mtuletelo 14:7

Yona yi ti womba-womba ngu dipswi da hombe, yi txi kha yona: “Thavani Txizimu mi txi pfalisa, nguko txi hokile txikhati txa kulamula ka txona; khozelani awule a nga maha nzuma ni mafu, linene ni sisima.”

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Mithumo 10:43

Ngene wu va mu fakazelako votshe vaprofeti, ti to wuhi ni wuhi a kholwako kwakwe, a na amukela divalelo ya sionho ngu mtamo wa ditina dakwe.”

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Marku 5:22

Konaho a to bwaka mmweyo wa vathangeli va disinagoga, ditina dakwe a dhanwako ku i Jayiro. Se a di mu woni, a to mu khizamela,

2 Vafumeli 17:36

Aniko ka Mkoma, a nga mi humisa ngu mtamo wa hombe ditikoni ka Egipta, ni diwoko do nawulutwa, mi na thava enewu, ni ku mkhizamela, mi phaxela kwakwe.

Mithumo 13:27

Nguko ava va nga aka ditikoni ka Jerusalema, ni vathangeli vawe, ngako va nga mbi ti lava ku m'ziva Jesu, va mu abanisile, ve ninga kutatiseka ka mapswi a vaprofeti, aawa ma gondwako Sabbata ni Sabbata.

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Masalmo 45:11

nguko mfumeli a bzwetilwe ngu kutshura kwako; ene ngene mkoma wako: Mu vekele txithavo!

1 Johani 5:21

Sivananananu, tshuralelani sizimu sa walo! Amen!

1 Vatesalonika 5:15

Ti woneleni kasiku ni wammweyo kwanu asi tshumeteli wubihi ngu wubihi; otshe masiku duketani kumahelana ta tinene, mi txi maha toneto ni ka votshe.

Vaefesu 5:15

Ti di ngeto, wonisisani ta tinene mahanyelo anu; mi nga hanyiseni ku nga vathu va va si ziviko, aniko hanyani nga vathu va va zivako,

2 Vakorinto 8:7

Se, ngako mi nga talelwa ngu sotshe: Likholo, kuwombawomba, wuzivi, kukhutala kotshe, ni lirando li mi hi randako ngu lona, zamani kuhumelela kambe ka mthumo wuwa wa lirando.

Marku 7:25

Nguko wamsikati, awuwa mwanana wakwe wa muhorana a nga ti wuleletwe ngu moya wa nzambwa, a ti engisile ti to waho, se a txi ta, e ta ti wisa minengeni kwakwe.

Vaefesu 5:33

Ngu toneto, mmweyo ni mmweyo wanu, ngu kwakwe, a fanete kuranda msikati wakwe, nga ti a ti randisako tona ene apune; nene wamsikati e xonipha mwamna wakwe.

Dhaniyeli 2:46

Sekoko mfumeli Nebhukodhonosori a to wa ngu mbanza yakwe, e khozela Dhaniyeli, e leleta ti to Dhaniyeli e mahelwa mningelo wa sakudya, ni kuhiselwa dibaselo.

Mtuletelo 1:1

Awuwa i Mtuletelo wa Jesu Kristu, awu Txizimu txi nga mninga, kasiku e kombisa ka sithumi sakwe ati ti fanelako kumaheka kunukunukuwa. Kristu a zivisile timhaka tiya ngu kurumela ngelozi yakwe ka txithumi txakwe Johani,

Mtuletelo 19:9

Ngelozi yi to ni gela yi txi kha yona: Bhala u txi khawe: “Va katekile avale va nga dhanelwa m'buso wa mtxhadho wa Txinvutana.” Yi engeta yi txi kha yona: “Aawa ngu ona mapswi a ditshuri a Txizimu.”