Mtuletelo 18:7 - Bhiblia Yo Sawuleka

⁷ “Madingano ni ku ti dhumisa kwakwe ni kutikulisa kwakwe, m'tshumeteleni ngu sixaniso ni makhombo nguko mbiluni kwakwe a ti ti khene:” “Ni khalahatshile nga khosikazi, kha ni nga noni, txima kha ni na mbi va ni txidilo.”

Mtuletelo 18:7 Referans Kwoze

Zefaniya 2:15

Adiya ngu dona didhoropa do tsakisa, di nga ti ti zumba ngu kwa mbi ti wonela, di nga ti ti womba mbiluni ka dona: Ani ngani, kambe kha ku na dimwani hahanze kwangu; eto di nga mahisa tona marumbi, ni ku va nyumba ya sihari! Ni wuhi wu a no pinda ngu ka dona a na veta mloti, se e zinginisa dianza dakwe.

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Jeremiya 13:18

Gela mfumeli ni mame wa mfumeli, u txi khawe: Ti namiseni, mi txi khalahatsha, nguko mbhoti wa wukoma wanu wu wite, i ku txona txiningo txanu txa mfumo.

Masalmo 45:9

Vanana va txisikati vavafumeli, va ti ti ho hagari ka mahorana; ngu didhawa dako da txinene ku ti ti ni mfumeli wa txisikati, a nga ambala syambalo so tshuriselwa ngu nzalama ya lisima ya Ofiri.

Masalmo 10:6

Mbilu yakwe ya womba yi txi kha yona: “Kha ni na mbi nga va ni kuwiswa, kha ni na mbi welwa ngu dikhombo, ni ditshiku ni da dimwedo.”

Obhadhiya 1:3

Kutikulisa ka mbilu yako ku ku kanganyisile, kufana ni va va hanyako tiphakoni ka marigwi, ka dizumbo dako do guleka, u wombako mbiluni kwako ku khawe: I mani a no ni wisa ha mafuni kani?

1 Timoti 5:11

Se vavasikati va va nga felwa i di ngadi vaphya, evo zumbela kule navo. Nguko minavelo yawe, ngako yi txi va hambanisa ni Kristu, va na lava kutshumela ve tekwa;

Mtuletelo 18:3

Nguko ene a levisile mifumo yotshe ngu vhinya ya txiviti txa wugelegele wakwe, vafumeli va ditiko va mahile nayo wugango, vaxavisi va ha mafuni va mahile va nyatithombe, ngu mhaka ya kubomba kwakwe ka wubhemba.”

Mtuletelo 18:9

Se vafumeli va mafu, va nga txi geleza nayo awule wamsikati ve ti tsakisa kumweko nayo, va na dila, ve peka tikhana, mbimo yi va no wona wutshi wa kuhiswa kwakwe.

Esteri 6:10

Sekoko mfumeli a to khene ka Hamani: Kuluveta u teka syambalo ni dihantxhi, madigano ni kuwomba kwako, u maha toneto ka Mordhekayi, Mujudha wule a nga khalahatsha ha txikeni ka mfumeli; u nga leke ni tatimweto ti wa ka totshe tile u nga womba.

Ezekhiyele 23:34

U na di sela koko, u heta, u na phatulela likasani ka dona, kambe u na txukulutela titshumbu tako; nguko ni zivisile, kuwomba Mkoma Txizimu.