Mtuletelo 18:3 - Bhiblia Yo Sawuleka

³ Nguko ene a levisile mifumo yotshe ngu vhinya ya txiviti txa wugelegele wakwe, vafumeli va ditiko va mahile nayo wugango, vaxavisi va ha mafuni va mahile va nyatithombe, ngu mhaka ya kubomba kwakwe ka wubhemba.”

Mtuletelo 18:3 Referans Kwoze

Mtuletelo 17:2

vafumeli va mafu va mahile wugango nado, se vaaki va ha mafuni va levile ngu vhinya ya wugelegele wa dona.”

Mtuletelo 14:8

Yimwani ngelozi, ayi ya wumbidi, yi to ya masoni ngu kuwomba, yi txi kha yona: “A wite, a wite, Bhabhilona wa hombe, awu a nga levisa yotshe mifumo ngu vhinya ya txiviti txa wugelegele wakwe.”

Mtuletelo 18:9

Se vafumeli va mafu, va nga txi geleza nayo awule wamsikati ve ti tsakisa kumweko nayo, va na dila, ve peka tikhana, mbimo yi va no wona wutshi wa kuhiswa kwakwe.

Mtuletelo 18:23

Kutura ka dilambu kha ku na mbi ngadi ku txi woninga kwako; dipswi da mwamna ni msikati kha di na mbi ngadi di engiswa kwako, nguko vaxavisi vako i ti tinganakana ta ditiko, kambe ngu matiloti ako u kanganyisile yotshe mifumo.”

Jeremiya 51:7

Bhabhilona i ti ti kopo ya nzalama manzani ka Mkoma, ayi yi nga ti ti levisa dotshe ditiko; Matiko ma sete vhinya yakwe; ngu mhaka yeto matiko ma xangile.

Sidilo 4:5

Ava va nga ti tidya silo so nona konkuwa vawa ngu nzala mu tinzilani; avale va nga kula ngu kuambekwa tinguwo to vangama va handakasela amu matalani.

Jeremiya 51:34

Nebhukodhonosori, mfumeli wa Bhabhilona, a ni vhandamulete, e ni ganyatela, a ni mahile txiya txa diphanga, a ni mitile nga mwamilambo, a tatile mrumbu wakwe ngu silo sangu sa sinene; a ni tshotshile hahanze.

Isaya 47:15

Va na mahisa toneto kwako vale u nga thuma navo, vabhindulisi vako, kukhukhela wuphyani kwako; mmwani ni mmwani a na teka nzila yakwe; ni wammweyo kha na mbi kuhulukisa.

Luka 7:25

Kasi mi ti ya wona txani kani? I ti m'thu wu a nga bomba kani? Wonani, ava va ambalako tinguwo ta wubombi ni va va dyako so tshamba, va zumba tinyumbani ka vakoma.

Nahume 3:4

Ngu mhaka ya kutala ka sionho sa digelegele do tshura, da wutxhari wa wuloyi, di nga xavisa vathu ngu wugelegele wa dona, ni tihunzu ngu wuloyi wa dona.

1 Timoti 5:11

Se vavasikati va va nga felwa i di ngadi vaphya, evo zumbela kule navo. Nguko minavelo yawe, ngako yi txi va hambanisa ni Kristu, va na lava kutshumela ve tekwa;

Mtuletelo 18:7

“Madingano ni ku ti dhumisa kwakwe ni kutikulisa kwakwe, m'tshumeteleni ngu sixaniso ni makhombo nguko mbiluni kwakwe a ti ti khene:” “Ni khalahatshile nga khosikazi, kha ni nga noni, txima kha ni na mbi va ni txidilo.”

Mtuletelo 18:19

Se va txi ti theletela dikhuma ha msungo, va ti ti dila, ve peka tihuwa va txi kha vona: “Ayiwe, ayiwe, Didhoropa da Hombe, votshe va nga ti ni sitimela sa mati, va mahile va nyatithombe, ngu mhaka ya tithomba ta dona! Kambe ngu txikhati txa txidotho ti dingani ku ti fuviswa.”