Mtuletelo 18:24 - Bhiblia Yo Sawuleka

²⁴ Se mndani kwako ku manekile mnoha wa vaprofeti ni wa vasawuleki, ni wa votshe va nga dawa ha mafuni.

Mtuletelo 18:24 Referans Kwoze

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Jeremiya 51:49

Nga kule Bhabhilona a nga wisa vafi va Israyeli, nga toneto Bhabhilona ku na wiswa votshe vafi va ditiko.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Mtuletelo 11:7

Mbimo yi ti no heta kufakaza ka tona, txikalani txi txi humako ngu diphalani ko hokoma txi na lwa nato, txi ti xula, txi ti daya.

Matewu 23:35

Kasiku wu txi thekelela txitimwi kwanu wotshe mnoha wo lulama wu nga theketwa ha mafuni, kukhukhela ka mnoha wa m'lulami Abhele kala kuhoka ka mnoha wa Zakariya, mwanana wa Bharakiya, awu mi nga m'daya hagari ka wukhalo wo sawuleka ni txiluvelo.

Matewu 23:27

“Mi na ni dikhombo, anu vabhali ni Vafarisi, vaxengeteli, nguko mi fana ni mayiva a kupendwa ngu mhemba, ma tshurako hahanze, kasi mndani ka ona ma tate ngu marambu a vafi ni lotshe lixaka la nzambwa.

Dhaniyeli 7:21

Ni to wonetela, ni wona litxheho lonelo li txi lwa ni vasawuleki, li va xula.

1 Vatesalonika 2:15

Ngu vona kambe va nga daya Mkoma Jesu ni vaprofeti, ve xanisa ni nathu, vona va si tsakisiko Txizimu, nguko i valala va votshe vathu.

Ezekhiyele 22:27

Vathangeli vawe hagari ka dona, va fana ni maxolwa ale ma ñolako sihari, kasi kutheketa mnoha, va txi khundumusa mihefemulo, va txi felela.

Ezekhiyele 22:12

Ku amuketwe siningo kasi kutheketa mnoha; so honyola ni so bhindulwa u tekile, u maha likungo ka mwakelani, u txi mkhozisa; kambe ani u ni divate, kuwomba Mkoma Txizimu.

Ezekhiyele 22:9

Hagari kwako ku ni vavamna va sipoyilo, kasi kutheketa mnoha; kambe va dyete txitimwi ka mimango yako, ni kumahetela wukanganyisi hagari kwako.

Jeremiya 2:34

Mirungoni ka txyambalo txako kumaneka mnoha wa sisiwana asi si singako ni mnandu, ava u nga mba va mana va txi dhoda nyumba yako. Aniko u va date, nguko u dhunda ta ku nga toneto.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.