Mtuletelo 18:20 - Bhiblia Yo Sawuleka

²⁰ Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 18:20 Referans Kwoze

Mtuletelo 6:10

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?”

Mtuletelo 12:12

Ngu konaho, tsaka, awe nzuma, ni motshenu mi zumbako ka yona. Dikhombo ka vale va zumbako lineneni! Nguko Dhiyabhulosi a txhikile kwanu, a di ni txiviti ngutu, ngu kuziva ti to mbimo yakwe nja yidotho.”

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Judha 1:17

Aniko, anu, vorandeka, alakanyani mapswi awa ma nga wombwa kale ngu vapostoli va Mkoma Wathu Jesu Kristu,

2 Pedro 3:2

kufela ku mi khumbukisa mapswi ale ma nga wombwa kale ngu vaprofeti vo sawuleka, ni txileleto txa Mkoma ni Muhanyisi, atxi mi nga ningwa txona ngu Vapostoli vanu.

Vaefesu 4:11

Se ene ngene a nga ninga vamwani mthumo wa wupostoli, vamwani mthumo wa wuprofeti, vamwani mthumo wa wuvhangeli, vamwani mthumo wa wudyisi ni wugondisi,

Vaefesu 2:20

nguko anu mi fana ni nyumba yi nga akwa txitimwi ka makhato o mahwa ngu vapostoli ni vaprofeti, ahawa Jesu Kristu apune i ku Dirigwi da kona da hombe do tsanisa;

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Mavingu 11:10

Didhoropa di tsakisa ku ti ni vo lulama; se ku txi lova vaonhi ku ni kutsaka ka hombe.

Masalmo 94:1

Mkoma, awe u Txizimu txa kutsayisa wubihi! Txizimu, kombisa txiviti txako!

Masalmo 58:10

Mlulami a na tsaka, ngako a txi wona kuphotelwa a na samba mikondo yakwe ngu mnoha wa vabihi!

Vaefesu 3:5

ka vathu va tixaka ta kale, mhakeyo kha ya ziviswa ka vanana va vathu, kufana ni nyamsi Txizimu txi nga yi tuletela ngu Moya wo Sawuleka ka vapostoli va txona vo sawuleka ni ka vaprofeti;

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

Masalmo 109:28

Hambi vona va txi ni ruketela, kambe awe wa ni katekisa. Valala vangu va na wiswe tingana kambe txithumi txako txi na giye.

Masalmo 107:42

Vathu vavanene, ngako va txi wona tiya, va tsaka, aniko avale i ku vo biha, va malala.

Masalmo 48:11

Wu na tsake mmango wa Siyoni! Ma na tsake madhoropa a Judha, nguko kulamula kwako Mkoma ngo lulama!

Masalmo 18:47

Txizimu ngu txona txi ni ningako mtamo wa kuxula, ngu txona txi ni khoziselako matiko, txi ma veka mtamoni kwangu

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.

Dhewuteronome 32:42

Ni na levisa tingove tangu ngu mnoha, ni ditxhari dangu di na khura ngu nyama; ngu mnoha wa vale va nga dawa, ni wa vo ñolwa, kukhukhela ha msungo, ku nava ni kuphota, ka valala.

Zefaniya 3:15

Mkoma a thavisile kulamulwa kwako, a lovisile valala vako; Mkoma, Mfumeli wa Israyeli a hagari kwako; awe khu na mbiswa u txi wona kambe wubihi ni wawumwewo.

Mtuletelo 18:6

M'tshumeteleni ngu ti nene a nga mi mahela tona. M'diheleni kambidi madingano ni mithumo yakwe ka digombe di a nga thela ngu dona so sela anu mu theleleni kambidi.”