Mtuletelo 18:2 - Bhiblia Yo Sawuleka

² Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Mtuletelo 18:2 Referans Kwoze

Mtuletelo 14:8

Yimwani ngelozi, ayi ya wumbidi, yi to ya masoni ngu kuwomba, yi txi kha yona: “A wite, a wite, Bhabhilona wa hombe, awu a nga levisa yotshe mifumo ngu vhinya ya txiviti txa wugelegele wakwe.”

Jeremiya 51:37

Se Bhabhilona a na maha mmumbu, m'ti wa vamwamilambo, txixamaliso txo vetisa miloti, ku si nga ni muaki ni wammweyo.

Jeremiya 51:8

Ngu mbimo ya yidotho, Bhabhilona a wite, a fuvisilwe; m'dileleni, thelani mrende wo malata kupanda kwakwe, mwendo ku na hola.

Mtuletelo 18:21

Konako ngelozi ya mtamo yi to gula dirigwi do nga txiwindi txa hombe txa txigayo, yi di rinza lineneni, yi txi kha yona: “Ngu mtamo wo fana ni wona wuwa, Bhabhilona, Didhoropa da Hombe, a na rinzwa lineneni, se kha na mbi swa e manwa.

Mtuletelo 18:10

Va di emile ngu kule, ngu kuthava sixaniso sakwe, va na womba va txi kha vona: “Ayiwee, ayiwee, didhoropawe da hombe, Bhabhilona, didhoropa da mtamo, nguko kunukunuko u hoketwe ngu txitsayiso txako.”

Mtuletelo 17:18

“Ngu kugwitisa, wamsikati wu u nga mu wona, i Didhoropa da Hombe di fumako vafumeli va mafu.”

Mtuletelo 17:5

Ha mbanza kwakwe ku ti bhatwe ditina da msisalo, daku kha dona: “Bhabhilona wa Hombe, mame wa magelegele ni wa sa manyala sa ha mafuni.”

Mtuletelo 16:19

Didhoropa da hombe di to abaneka ngu madhawa mararu, se madhoropa a mifumo ma to wa, konako Txizimu txi to khumbula Bhabhilona, Didhoropa da Hombe, kasiku txi di ninga digombe da vhinya ya txiviti txa kuhenya ka txona.

Isaya 14:23

Ni na di maha wukhalo wa sikhovha, ni txiziva txa mati a kusina, na di hiyela ngu diphiyelo di di lovisako, kuwomba Mkoma wa Mabutho a Tiyimbi.

Mtuletelo 16:13

Konako, ni to wona ku txi huma ngu ka mwamilambo, ni mkanani ka txikalani ni mkanani ka mprofeti wa makuhu, mimoya yiraru ya nzambwa nga makhele;

Mtuletelo 14:15

Konako yimwani ngelozi yi to huma ngu Dithepeleni, yi txi kwangula ngu dipswi da hombe ka wule a nga ti khalahatshile ha direfuni, yi txi kha yona: “Teka sikela yako u txi elula. Yi hokile mbimo ya kuelula, nguko thembwe ya mihando ya ha mafuni yi vitute.”

Mtuletelo 10:3

Se yi kwangula ngu dipswi da hombe, nga kubhonga ka ngonyamo. Mbimo yi yi nga bhonga, ku to pfala kudhinda ka singwalangwanda sa mtxhanu ni simbidi.

Mtuletelo 5:2

Konako ni to wona ngelozi ya mtamo, yi txi nuwela ngu dipswi da hombe yi txi kha yona: “I mani a ku ni fanelo yo tula dibhuku e kwamula sixambanyo siya sa dona, kani?”

Zefaniya 2:14

Se hagari ka dona ku na zumba mitxhambi, sotshe sifuyo sa vathu; disekwa ni nungu si na zumba tiphandeni kwawe; mapswi a kuemba ka sona ma na pfala ngu mu ka mafasitela, kuxasela ku nava mitshunzutini ka dona, nguko tiphande ta mikedhari ti sate hakubasani.

Jeremiya 25:30

Awe koko, u na profeta kwawe totshe timhaka tiya, u txi khawe kwawe: Mkoma wa dhuma-dhuma ngu txitimwi, wa pfalisa dipswi dakwe ngu nyumbani kwakwe ko Sawuleka; ngu kuthisisela, a na dhuma e wukela dizumbo dakwe, wa peka huwa ya litsako, nga mrukuti wa mauvha, a txi wukela vazumbi votshe va ha mafuni.

Mtuletelo 1:15

Mikondo yakwe yi ti fana ni msuku, mbimo yi wu nga bhilivila ngu kuhiswa ha nyundoni; dipswi dakwe di ti fana ni diguwa da mati o tala.

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Mtuletelo 11:8

Sirumbi sa tona si na vekwa ha mtendelani ka Didhoropa da Hombe adi, ngu kufananiswa, di dhanwako ku i Sodhoma ni Egipta, ahawa Mkoma wa tona nene a nga bethelwa ha txihambanoni.