Mtuletelo 18:13 - Bhiblia Yo Sawuleka

¹³ kinamoni, i ku mafura o bhumula, mira ni dibaselo, vhinya ni mtona, mpupu wa mafaka ni fulaho, tihomu ni tinvuta, mahantxhi ni sikotxikani, tikhumbi ni mimoya ya vathu.

Mtuletelo 18:13 Referans Kwoze

Ezekhiyele 27:13

Javhani, Tubhali, ni Meseki i ti ti vaxavi kwako; mi xaviselani tikhumbi ni siya sa koporo.

Amosi 2:6

Mkoma a womba tiya: Ngu kuhambunyeta kuraru ka Israyeli ni ka wumune, kha ni na mbi thavisa txitsayiso, nguko va xavisa mlulami ngu male, ni txisiwana ngu mpatwa wa tikathula.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Nehemiya 5:8

Se ni txi khani: Athu hi hulukisile Vajudha, madingano ni mtamo wathu, i ku vanathu, avale va nga xaviswa ka vamatiko, se anu kambe mi lava kuxavisa vananu, kasi kuveta xaviswa kwathu kani? Sekoko va to malala, va txi kayee.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Dhewuteronome 24:7

Ngako m'thu a txi kuretwa a di ruruvisile Muisrayeli kulowe, kasi ku mmaha khumbi yakwe, mwendo kuve a txi mxavisa, edo dikhamba di fanete kudawa. Ngu toneto, u na fuvisa wubihi hagari kwanu.

Eksodha 21:16

Awule a pako m'thu a txi mxavisa, mwendo e ta manwa nayo manzani kwakwe, a na dawa.

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Amosi 8:6

Hi xava sisiwana ngu male, ni va vo mbi na txilo, hi va xava ngu mpatwa wa tikathula kani? M'sana keto, hi na xavisa makamba ya fulaho.

Amosi 6:6

Mi selako vhinya ngu magombe, mi tola mafura a lisima, kambe mi ka pandiseki ngu ku wa ka Josefa:

Ndando ya Tindando 5:5

Se ni to wuka, ni ya tulela txirandwa txangu ku to nyuka mafura a mira manzani kwangu, ma txi thothoketa ngu titihoni kwangu, me nakanisa sikhweketo sa ditimba.

Mavingu 7:17

ni tshatshete ditaho dangu ngu mira, mafura ni kinamomo.

2 Makronika 9:9

Se a to ninga mfumeli 120 wa titalenta ta nzalama, ni tixakaxaka tatingi ta makha, ni marigwi a lisima ngutu; kha kuzivi kuta makha amangi ngutu ku nga tiya mfumeli wa txisikati wa Sabha a nga ningisa tona mfumeli Solomoni.

1 Vafumeli 10:25

Se mmweyo ni mmweyo a txi ta mninga siya sa silivhela ni siya sa nzalama, ni syambalo, ni matxhari, ni sithimbelo so bhumula ni mahantxhi ni mamula; tximwetxo ni tximwetxo ngu dilembe ni dilembe.

1 Vafumeli 10:15

hahanze ka mikhupo yi yi nga ti dihwa ngu vaxavisi, mabhindu a wukwewu, ni yi va nga ti diha vaxavisi va makha, ni a votshe vafumeli va Arabhiya, ni vathangeli va ditiko da kona.

1 Vafumeli 10:10

Se a to ninga mfumeli 120 wa titalenta ta nzalama, ni tixakaxaka tatingi ta makha, ni marigwi a lisima; kha kuzivi kuta makha amangi ngutu ku nga tiya mfumeli wa txisikati wa Sabha a nga ningisa tona ka mfumeli Solomoni.

Dhewuteronome 28:68

Mkoma a na mi tshumeta mi tsula Egipta ngu ngalava, ngu nzila yile ni nga mi gela ni txi khani: “Khu na mbiswa u txi yi wona kambe!” Koneyo, mi na ya ti xayisa, vavamna ni vavasikati ka valala vanu, kasi ku mi maha tikhumbi, aniko kha ku na mbi maneka wo mi xava.

Ndando ya Tindando 1:3

Mafura ako manene amu ko bhumula; ditina dako di fana ni mafura o tshakunutwa; ngu mhaka yeto timbiri ta kuranda.

1 Makronika 5:21

Se va ka Israyeli va to handa sifuyo sa va ka Hagari: 50.000 wa makamelu awe, ni 250.000 wa tinvuta, ni 2.000 wa timbongola; ni 1.000 wa vathu.

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Mtuletelo 18:14

Mihando yi moya wako wu nga txi yi navela, yi hangalakile, sotshe si si nga txi kuninga wukoma ni wudhumo si mwalate kwako, se txima kha si na mbi ngadi si maneka.

Mtuletelo 18:15

Vaxavisi va simaha siya, ava va nga ti mana dibhindu ngu mhaka yakwe, va na ema ngu kule, ngu kuthava kuxaniseka kwakwe, se va txi dila ni kupeka tihuwa,